Дзёньнік будучыні: розьніца паміж вэрсіямі

'''Юкітэру Амана''' ([[Японская мова|яп.]] 天野雪輝 ''Амана Юкітэру'') — галоўны герой, 14-гадовы юнак, уладальнік першага дзёньніка будучыні «Абыякавы дзёньнік» ([[Японская мова|яп.]] 無差別日記 ''Мусабэцу Нікі''). Пакутуе комплексам непаўнавартаснасьці, трымаецца ў баку ад людзей і першапачаткова мае толькі дзьвюх ўяўных сяброў — божышча Дэуса й ягоную памагатую, Мурумуру. Нягледзячы на сваю нелюдзімасьць, прызнае, што ў душы адзінокі й хацеў бы мець шмат сяброў. У параўнаньні з астатнімі ўладальніками дзёньнікаў, якія маюць разьвітыя навыкі забойства, вельмі слабы. Таму, хоць ён спачатку й не падзяляе пачуцьці закаханае ў яго Юна, якая валодае другім дзёньнікам будучыні, ён вымушаны прымаць ейнаю абарону. Паступова Юкітэру ўлюбляецца ў Юна, але тое, што Юна часам паводзіць сябе, як маньяк, адпуджвае яго. Нягледзячы на сваю слабасьць, Юкітэру здольны пазьбегнуць прадказанай яму дзёньнікам сьмерці — адзінага прароцтва, якое, паводле задумцы Дэуса, уладальнік дзёньніка зьмяніць ня ў сілах. З прычыны гэтага, іншымі ўладальнікамі дзёньнікаў ён лічыцца найбольш небясьпечным праціўнікам і першачарговай мэтай. Таму як Юкітэру глядзіць на ўсё з боку, ягоны дзёньнік апісвае ўсё тое, што адбываецца вакол яго, але не апісвае, што здарыцца з самім Юкітэру. Аднак гэты недахоп кампэнсуецца дзёньнікам Юна.

 

 

Юкітэру з другога сьвета, які зьяўляецца галоўным героем мангі, доўгі час ня меў мэты заняць месца Дэуса. Аднак пазьней ён страціў спачатку маці, а затым, па віне уладальніка адзінаццатага дзёньніка, таксама й бацьку. Дэус ж адмовіўся ўваскрэсіць маму Юкітэру, растлумачыўшы, што хоць ён і божышча, ягоныя дні ёсьць дні палічаныя й у яго ўжо не засталося сілаў на падобнае. Таму па парадзе Мурумуру Юкітэру вырашыў стаць богам і сваёе боскае сілай уваскрэсіць усіх забітых. Гэтую задумку падтрымала й Юна, адразу пагадзіўшыся памерці тады, калі гэта будзе патрэбна Юкітэру. Таму як паводле ягонае задумцы загінулыя павінны былі ў выніку уваскрэснуць, Юкітэру таксама пачаў бяз роздумаў прыносіць людзей у ахвяру сваім мэтам. Як аказалася, яго задумка была невыканальная, таму як сілай Дэуса можна вярнуць толькі цела памерлага, але не ягоную душу. Можна таксама зьдзейсьніць скачок у часе, але тады зноў пачнецца гульня на выжываньне й людзі зноў памірацьмуць. Таму Юкітэру ня змог ажыцьцявіць фінальную частку свайго пляна — забойства Юна. I калі ўжо Юкітэру ўсё адно не зьбіраецца выжываць у гульні, Юна вырашыла забіць яго. У выніку, нават нягледзячы на тое, што Юкітэру яшчэ ня быў мёртвы, Юна была прызнана пераможніцай і сышла ў мінулае, каб пачать гульню зноўку, зь Юкітэру з трэцьцяга сьвета.

 

 

'''Юна Ґасай''' ([[Японская мова|яп.]] 我妻由乃 ''Ґасай Юна'') — галоўная гераіня, 14-гадовая дзяўчына й уладальніца другога дзёньніку будучыні «Дзёньнік Юкітэру» ([[Японская мова|яп.]] 雪輝日記 ''Юкітэру Нікі''), які апісвае ўсё, што адбываецца зь Юкітэру. Таксама Юна школьны кумір, лепшая вычаніца й выдатная спартоўка. Яна расла ў прытулку й была шчасьлівая, калі яе ўдачарылі. Але ейныя новыя бацькі былі памяшаныя на тым, каб зрабіць з сваёй дачкі «эліту», й у якасьці пакараньняў ня грэбавалі нават таго, каб саджаць сваю дачку ў клетку. У пэўныя моманты пакутуе ад правалаў у памяці, забываючы нязручныя для яе моманты мінулага.