Ён Андрэеску: розьніца паміж вэрсіямі

[[Файл:Andreescu - Autoportret 1882.jpg|міні|160пкс|Аўтапартрэт [[1882]] году]]

Ён Андрэеску нарадзіўся ў Бухарэсьце ў сям’і крамніка. Вучыўся ў інтэрнаце, дзе, сярод іншага, вывучыў [[француская мова|францускую мову]]. У [[1863]] годзе паступіў у мастацкую школу, з [[1869]] году займаўся пад кіраўніцтвам аднаго з найбуйнейшых румынскіх мастакоў таго часу [[Тэадор Аман|Тэадора Амана]]. У [[1870]] годзе перамог у конкурсе на пасаду выкладчыка ў той жа мастацкай школе, але з-за бюракратычных перашкодаў ня змог яе заняць. Увесь гэты час Андрэеску востра меў матэрыяльныя цяжкасьці. На кароткі час, дзякуючы заступніцтву Амана, ён змог заняць месца настаўніка маляваньня ў гандлёвым вучылішчы ў Бухарэсьце. Зь верасня [[1872]] году ён працаваў настаўнікам у [[Бузэў]].

Андрэеску даволі хутка расчараваўся ў румынскай сыстэме мастацкай адукацыі й зьехаў у [[Парыж]], дзе ў [[1878]] годзе пачаў наведваць мастацкую акадэмію. Адначасова ён зблізіўся з мастакамі [[Барбізонская школа|Барбізонскай школы]], сярод якіх быў і [[Мікалаэ Грыгарэску]]. Пасьля ён быў блізкі да імпрэсіяністаў і лічыцца першым прадстаўніком імпрэсіянізму ў румынскім мастацтве.

У [[1881]] годзе Андрэеску вярнуўся ў [[Румынія|Румынію]], дзе на наступны год памёр ад [[сухоты|сухотаў]] ува ўзросьце 32 гадоў.

* Corina Firuţă, Cori Simona Ion, ''Ioan Andreescu: 1850—1882: Colecție de artă'', Alcor Edimpex, (1997), {{ISBN |9739790143}} {{ref-ro}}

* [http://www.bucovine.com/en/pages/culture/andreescu.shtml bucovine.com] {{ref-en}}