Дамінік Рудніцкі: розьніца паміж вэрсіямі
Stary Jolup (гутаркі | унёсак) |
(Розьніцы няма)
|
Вэрсія ад 00:29, 29 ліпеня 2015
Дамінік Рудні́цкі (па-польску: Dominik Rudnicki; 27 ліпеня 1676, ВКЛ — 10 кастрычніка 1739) — беларускі і польскі пісьменьнік.
Дамінік Рудніцкі | |
Асабістыя зьвесткі | |
---|---|
Нарадзіўся | 27 ліпеня 1676 ВКЛ |
Памёр | 10 кастрычніка 1739 |
Літаратурная дзейнасьць | |
Род дзейнасьці | паэт, пісьменьнік |
Жанр | верш |
Мовы | беларуская, польская |
Жыцьцяпіс
Паходзіў з беларускай шляхты. Вучыўся ў Віленскай езуіцкай акадэміі (каля 1694). Настаўнічаў у езуіцкіх калегіюмах Слуцка, Гродна, Мсьціслава, Наваградка. 3 1720 у Варшаве, пракуратар Літоўскай правінцыі езуітаў. 3 1730 у Нясьвіжы.
Творчасьць
У рукапісных зборніках Рудніцкага (вядомыя з публікацыяў А. Брукнэра і У. Ператца, загінулі падчас Варшаўскага паўстаньня ў 1944) акрамя польскіх, было 9 беларускіх вершаваных твораў, альбо напісаных ім, або народных. У іх выяўляюцца рысы позьняга барока: алегорыя, гратэск, марнасьць і хуткаплыннасьць жыцьця. Адчуваецца арыентацыя на народную песьню. Аўтар інтэрмэдый на польскай мове, казаньняў, зборніка «Свабодны голас у вершаванай форме» (выд. 1741).
Рудніцкаму прыпісваецца аўтарства беларускіх вершаваных «Вітаньняў» з выпадкаў наведваньня Вільні ў 1729 вармінскім біскупам Крыштафам i Пінску ў 1730(?) валынскім біскупам Стафанам.
Ім створана алегарычная сыстэма вобразаў у вершаваным сатырычным цыкле «Зьвярыныя гратэскі» (творы «Ваенны паход грыбоў», «Птушыны баль», «Камара з дуба цяжкі ўпадак» і інш.). У апісаньні злых прыгод птушак, насякомых і расьлін угадваецца рэальнае жыцьцё дробнай шляхты.
Літаратура
Вікікрыніцы зьмяшчаюць арыгінальныя матэрыялы, датычныя тэмы артыкула: |
- Мальдзіс А. На скрыжаванні славянскіх традыцый. Мн., 1980. С. 72-78, 116—126.
- Eustachiewicz M. Twórczość Dominika Rudnickiego. Wrocław, 1966.