Boeing 737: розьніца паміж вэрсіямі

У склад сямейства Boeing 737 ўваходзяць першыя мадыфікацыі Boeing 737-100 і Boeing 737-200, якія ўвайшлі ў камэрцыйную эксплёатацыю ў 1968 року, мадыфікацыі сэрыі Classic (Boeing 737-300, Boeing 737-400 і Boeing 737-500), якія ўвайшлі да эксплёатацыі ў 1980-х роках, а таксама найноўшыя мадыфікацыі сэрыі Next-Generation (Boeing 737-600, Boeing 737-700, Boeing 737-800 і Boeing 737-900ER), якія ўвайшлі ў эксплёатацыю ў 1998 року.

Боінг 737-300 пасажырскі самалёт для авіяліній малой і сярэдняй працягласьці. Створаны ў 1981 року для амэрыканскіх авіякампаній USair і Southwest Airlines. Самалёт спынілі будаваць у [[1999]] року. Цяпер большасьць Боінгаў 737-300 лётае ў авіякампаніі Southwest Airlines (173 машыны).

Боінг 737-400 - пасажырскі самалёт для авіяліній малой і сярэдняй працягласьці. Да распрацоўкі самалёта 737-400 фірма «[[Boeing|Боінг]]» афіцыйна прыступіла ў пачатку чэрвеня [[1986]] року, атрымаўшы замову ад амерыканскай авіякампаніі «П'емонт Эйрлайнз» на 55 самалётаў. Лётныя выпрабаваньні вопытнага самалёту пачаліся [[23 лютага]] [[1988]] р, сэртыфікацыя завяршылася ў верасьні, а [[1 кастрычніка]] быў выкананы першы камэрцыйны рэйс.