Ігар Войніч: розьніца паміж вэрсіямі

Ігар Войніч, разам з А.Кішкіным, З. Сідаровічам і В. Агеевым стаў заснавальнікам гурта. Па адукацыі — філолаг. Нават абараніў дысертацыю па старажытнай літаратры. Граў на гітары, бас-гітары, клявішных інструментах, а часам сядаў за віялянчэль. Напісаў музыку некалькіх сумесных з іншымі ўдзельнікамі гурта песень, што выйшлі на першым CD, а "Песьню Вартавога ратніка" аднаасобна — і музыку, і тэкст. Асноўная роля Войніча ў першым і другім складзе гурта палягала на сачыненьні аранжыровак. Пасьля творчых разыходжаньняў паміж Басаем і Сідаровічам у 1996 г. Войніч прыняў бок Басая. Некалькі наступных год Войніч і Басай, набраўшы ў гурт новых музыкаў, пад назвай "Камэлот" далі некалькі дзесяткаў канцэртаў, нават запісалі на дэма новую праграму выключна з песень Войніча. Зьезьдзілі з канцэртамі ў Польшчу і Данію. Але пасьля таго, як у 2002 г. Войнічу не прадлілі кантракт працы ва універсітэце, адной з прычын якойчаго была гістарычная і, адпаведна, палітычная ангажаванасьць гурта, "Камэлот" канчаткова быў пазбаўлены рэпетыцыйнай базы на філалагічным факультэце БДУ і перастаў увоглле выступаць. У 2007 г. Сідаровічам разам з Войнічам прадпрынімалася спроба аднавіць калектыў. Але апошні ў канцы года, згодна з паведамленьнямі польскай прэсы, выехаў у Польшчу.