'''Аргазм''' ({{Мова-el|οργάω|скарочана}} — гарэць жарсьцю) — вышэйшая ступень [[Жарсьць|жарснага]] [[Пачуцьцё|пачуцьця]] асалоды пры плоцевай разрадцы ад завяршэньня [[Плоцевы чын|плоцевага чыну]], [[Мастурбацыя|мастурбацыі]], [[Пэтынг|мілошчаў]] і любоўных уяўленьняў. Яго жыцьцёвае значэньне заключаецца ва ўтварэньні цэласных [[Паводзіны|паводзінаў]] празпразь безумоўны [[адсьвет]], які падмацоўвае плоцевыя рэакцыі. Адсутнічае ў [[саміца]]ў большасьці відаў [[жывёла]]ў, акрамя некаторых [[сысун]]оў, і зьяўляецца неабавязковым для [[Апладненьне|апладненьня]]. У [[чалавек]]а вонкавыя праявы абумоўліваюцца [[Плоцевая канстытуцыя|плоцевай канстытуцыяй]], [[тэмпэрамэнт]]ам, агульным і плоцевым выхаваньнем. У [[мужчына]]ў мае параўнальна меншую разнастайнасьць і працягласьць. У [[жанчына]]ў адрозьніваюць [[секель]]ны і секельна-[[Похва|похвенны]], зьвязваюць з узбуджэньнем [[Эрагенная зона|эрагенных зонаў]] і ўласьцівасьцю любоўнай гульні. У здаровых мужчынаў яго наступленьне пры заканчэньні плоцевага чыну ёсьць звычайным. У многіх здаровых жанчынаў узьнікае пасьля некалькіх гадоў устойлівага плоцевага жыцьця і надалей здараецца не пры кожным плоцевым чыне. Значная частка жанчынаў пакутуе на [[Анаргазьмія|анаргазьмію]], некаторыя — на [[Плоцевая халоднасьць|плоцевую халоднасьць]]<ref>{{Кніга|аўтар=|частка=Аргазм|загаловак=Беларуская энцыклапедыя ў 18 тамах|арыгінал=|спасылка=|адказны=[[Генадзь Пашкоў]]|выданьне=|месца=Менск|выдавецтва=[[Беларуская энцыклапедыя імя Петруся Броўкі]]|год=1996|том=1|старонкі=459|старонак=552|сэрыя=|isbn=985-11-0036-6|наклад=10 000}}</ref>.
