Кляўдыюс Пталемэй: розьніца паміж вэрсіямі

'''Кляўдыюс Пталемэй''' (Κλαύδιος Πτολεμαῖος, лац. Ptolemaeus), радзей '''Пталамэй''' (Πτολομαῖος, Ptolomaeus) (каля [[87]]—[[165]]{{Удакладніць}}) — [[Старажытная Грэцыя|старажытнагрэцкі]] астраном, астроляг, матэматык, оптык, тэарэтык музыкі і географ. У пэрыяд з 127 па 151 год жыў у [[Александрыя (Эгіпет)|Александрыі]], дзе праводзіў астранамічныя назіраньні.

Кляўдыюс Пталемэй  — адна з найвыбітнейшых асобаў у навуцы позьняга [[элінізм]]у. У [[астраномія|астраноміі]] Пталемэю не было роўных на працягу цэлага тысячагодзьдзя  — ад [[Гіпарх]]а ([[2 стагодзьдзе да н. э.|II ст. да н.  э.]]) да [[аль-Біруні|Біруні]] ([[10 стагодзьдзе|X]]—[[11 стагодзьдзе|XI]] стст. н.  э.).

У сваёй асноўнай працы «Megale syntaxis» (''Вялікая пабудова''), вядомай пад арабізаванай назвай «[[Альмагест]]», Пталемэй выклаў збор астранамічных ведаў [[Старажытная Грэцыя|Старажытнай Грэцыі]] і [[Бабілён]]а. Пталемэй сфармуляваў (калі не перадаў сфармуляваную [[Гіпарх]]ам) складаную [[геацэнтрычная сыстэма сьвету|геацэнтрычную мадэль сьвету]] з [[эпіцыкль|эпіцыклямі]], якая была прынятая ў заходнім і арабскім сьвеце да стварэньня [[гэліяцэнтрычная сыстэма сьвету|гэліяцэнтрычнай сыстэмы]] [[Мікалай Капэрнік|Мікалаем Капэрнікам]]. Назва галоўнай працы Пталемэя  — «Вялікая матэматычная пабудова астраноміі ў 13 кнігах»<ref name="белэн" />, ці проста і з годнасьцю «Вялікае», па-грэцку «Мэгістэ», на шляху ад грэкаў у сярэднявечную Эўропу праз арабаў трансфармавалася ў Альмагест.