Амелянец: розьніца паміж вэрсіямі
вёска ў Камянецкім раёне Берасьцейскай вобласьці Беларусі
Змесціва выдалена Змесціва дададзена
Створана старонка са зьместам '{{Населены пункт/Беларусь | Назва = Амелянец | Статус...' |
(Розьніцы няма)
|
Вэрсія ад 11:00, 3 кастрычніка 2014
Амеляне́ц (Амельяне́ц)[2] — вёска ў Камянецкім раёне Берасьцейскай вобласьці, уваходзіць у Вярховіцкі сельсавет, у складзе СВК «Амелянец».
| Амелянец | |
| трансьліт. Amieljaniec | |
| |
| Першыя згадкі: | XVI ст. |
| Краіна: | Беларусь |
| Вобласьць: | Берасьцейская |
| Раён: | Камянецкі |
| Сельсавет: | Вярховіцкі |
| Вышыня: | 163[1] м н. у. м. |
| Насельніцтва | |
| колькасьць: | 321 чал. (2010)[2] |
| колькасьць двароў: | 119 (2005)[3] |
| Часавы пас: | UTC+3 |
| Тэлефонны код: | +375 1631 |
| Паштовы індэкс: | 225076[4] |
| СААТА: | 1240826026[2] |
| Нумарны знак: | 1 |
| Геаграфічныя каардынаты: | 52°32′15″ пн. ш. 23°32′53″ у. д. / 52.5375° пн. ш. 23.54806° у. д.Каардынаты: 52°32′15″ пн. ш. 23°32′53″ у. д. / 52.5375° пн. ш. 23.54806° у. д. |
Амелянец на мапе Беларусі ±   Амелянец | |
 Галерэя здымкаў у Вікісховішчы
| |
Месьціцца за 38 км на паўночны захад ад Камянца, за 66 км на поўнач ад Берасьця, за 21 км на паўночны ўсход ад чыгуначнай станцыі Высока-Літоўск (лінія Берасьце — Беласток). Празь вёску праходзіць шэраг мясцовых аўтадарог: Н-389 (Амелянец — Ваўкаставец), Н-390 (Амелянец — Бобінка), Н-391 (Амелянец — Дубраўцы — Панасюкі), а таксама рэспубліканская аўтадарога «Абход тэрыторыі нацыянальнага парку „Белавеская пушча“» (Р98). За 500 м на поўдзень ад вёскі працякае рака Сіпурка.
У вёсцы 119 гаспадарак (2005)[3], 321 жыхар (2010)[2]. Працуюць сярэдняя школа, дзіцячы сад, бібліятэка, Дом культуры, камбінат бытавога абслугоўваньня, аддзяленьне сувязі, крама. Функцыянуе Крыжаўзьвіжанская царква.
Гісторыя
- канец XVI ст.: вёска ў Берасьцейскім павеце Берасьцейскага ваяводзтва ВКЛ, шляхецкая ўласнасьць. Згадваецца пры апісаньні межаў Белавескай пушчы ВКЛ.
- 1795: у выніку 3-га падзелу Рэчы Паспалітай у складзе Расейскай імпэрыі.
- сярэдзіна XIX ст.: пры ўрочышчы Гай у Вярховіцкай воласьці Берасьцейскага павету Гарадзенскай губэрні Расейскай імпэрыі.
- 1857: паводле 10-й рэвізіі 559 рэвіскіх душ, дзяржаўная ўласнасьць.
- 1885: 90 двароў, 623 жыхары, дзейнічалі праваслаўная царква, народнае вучылішча, піцейны дом.
- 1897: паводле перапісу сяло, 143 двары, 809 жыхароў, дзейнічалі царква, народнае вучылішча, хлебазапасная крама, кузьня, піцейны дом.
- канец XIX ст.: прыходу царквы належала 75 дзесяцінаў зямлі, 270 двароў, 2499 прыхаджан.
- 1905: 870 жыхароў, у народным вучылішчы 103 вучні.
- 1921: у выніку Польска-савецкай вайны па Рыскай мірнай дамове ў складзе Польшчы, вёска ў Вярховіцкай гміне Берасьцейскага павету Палескага ваяводзтва.
- 1923: 44 двары, 213 жыхароў.
- 1925: згарэла драўляная царква, у гэтым жа годзе сюды была перавезена царква зь Яблачынскага манастыру (Польшча).
- 1939: у выніку Пакту Молатава — Рыбэнтропа ў складзе Берасьцейскай вобласьці БССР.
- 1940: цэнтар Амелянецкага сельсавету Кляшчэльскага раёну Берасьцейскай вобласьці, 611 жыхароў.
- 1941—1945: у 2-ую сусьветную вайну акупаваная нямецка-фашысцкімі войскамі з 22 чэрвеня 1941 году да 19 ліпеня 1944 году (вызвалена воінамі 65-й арміі). У 1942 годзе гітлераўцы расстралялі 6 мірных жыхароў. Цягам вайны на франтах загінулі і зьніклі бязь вестак 28 жыхароў вёскі.
- 1945: у Высокаўскім раёне.
- 1947: арганізаваны калгас «1 Мая», які ў 1950 годзе аб'ядноўваў 261 жыхара вёскі.
- 1954: у Бушміцкім сельсавеце.
- 1960: 436 жыхароў.
- 1962: у Камянецкім раёне.
- 1964: цэнтар калгасу «Зара».
- 1968: у Каленкавіцкім сельсавеце.
- 1970: 351 жыхар.
- 1999: 353 жыхары.
- 2005: 119 двароў, 337 жыхароў.
- 2010: 321 жыхар.
- 2012: у Вярховіцкім сельсавеце.
Крыніцы
- ^ Фото Планета Праверана 3 кастрычніка 2014 г.
- ^ а б в г Дзяржаўны каталёг найменьняў геаграфічных аб’ектаў Рэспублікі Беларусь (рас.). Дзяржаўны цэнтар картографа-геадэзічных матэрыялаў і зьвестак Рэспублікі Беларусь. Праверана 3 кастрычніка 2014 г.
- ^ а б Гарады і вёскі Беларусі. Энцыкл. Т. 4. Кн. 2. — Менск, 2007. С. 15
- ^ Алфавитный список улиц деревни Омельянец (рас.) Каменецкий район. Белпошта. Праверана 3 кастрычніка 2014 г.
Літаратура
- Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 15—16.