Алесь Ліпай: розьніца паміж вэрсіямі

'''Алесь Ліпай''' (1966, в. Андросаўшчына Капыльскага раёну, цяпер Беларусь) — беларускі журналіст і [[паэт]]. Заснавальнік і кіраўнік Беларускага прыватнага агенцтва навінаў ([[БелаПАН]], [[1991]]) і сеціўнай газэты «Беларускія навіны».

Скончыў сярэднюю школу ў [[Капыль|Капылі]]. Затым факультэт журналістыкі [[Беларускі дзяржаўны ўнівэрсытэт|Беларускага дзяржаўнага ўнівэрсытэту]] (1991), на якім выдаваў сьценгазэту «Лірнік». У [[1988]] г. стаўся першым [[карэспандэнт]]ам [[Свабода (радыё)|Радыё «Свабода»]] ў Беларусі. Пры канцы 1980-х гадоў -— удзельнік Таварыства маладых літаратараў «[[Тутэйшыя (суполка)|Тутэйшыя]]». У [[1991]]-м годзе, цягам працы ў газэце «[[Сьцяг юнацтва]]» ({{мова-ru|Знамя юности|скарочана}}, 1988—1991), вёў беларускамоўную старонку «Родны склон». Аўтар беларускага [[пераклад]]у Дамовы аб вывадзе ядзернай зброі зь Беларусі, якую падпісалі старшыня Вярхоўнага Савету Беларусі [[Станіслаў Шушкевіч]] і прэзыдэнт ЗША [[Біл Клінтан]]. На пачатку 1990-х гадоў зладзіў перавоз у Беларусь звыш 1000 кніг, выдадзеных [[Беларуская дыяспара|беларускай дыяспарай]] у Нямеччыне, і распаўсюдзіў іх па школах ды [[бібліятэка]]х. У чэрвені [[1996]] г., пад час вызваленьня закладнікаў, захопленых у дзіцячым садку, узяў [[інтэрвію]] ў тэрарыста, адцягнуўшы тым самым ягоную ўвагу на сябе. Намесьнік старшыні [[Беларуская асацыяцыя журналістаў|Беларускай асацыяцыі журналістаў]] (1996—[[1998]]).