[[10 студзеня]] [[2005]] году Цэнтральная выбарчая камісія Ўкраіны абвясьціла Віктара Юшчанку пераможцам прэзыдэнцкіх выбараў. Згодна з выніковым пратаколам, Юшчанка набраў 51,99% галасоў, а ягоны супернік Віктар Януковіч — 44,2% галасоў. За Юшчанку прагаласавалі ў 17 рэгіёнах Украіны і ў замежнай выбарчай акрузе. Януковіч здабыў большасьць галасоў у 10 рэгіёнах краіны.
[[23 студзеня]] [[2005]] году Віктар Юшчанка заняў пасаду прэзыдэнта Ўкраіны. Адным ззь першых ягоных рашэньняў было прызначэньне на пасаду прэм’ер-міністра найбліжэйшай паплечніцы [[Юлія Цімашэнка|Юліі Цімашэнкі]]. У верасьні 2005 году праз буйны скандал ў яго набліжэньні, адправіў ў адстаўку прэм’ер-міністра [[Юлія Цімашэнка|Юлію Цімашэнку]], Дзяржаўнага Сакратара [[Аляксандар Зінчанка|Зінчанку]] ды Сакратара Рады Нацыянальнай бясьпекі і абароны [[Пётар Парашэнка|Пятра Парашэнку]]. На парлямэнцкіх выбарах 2006 году яго блёк «[[Наша Ўкраіна]]» атрымаў 3 539 140 галасоў выбарцаў, або 13,95% (трэцяе месца). Гэта стала нечаканай паразай. Паводле вынікаў гэтых выбараў, спачатку кааліцыя фракцыяў, неабходная для фармаваньня большасьці, была створаная на базе [[Блёк Юліі Цімашэнкі|Блёку Юліі Цімашэнкі]], «[[Наша Ўкраіна|Нашай Ўкраіны]]» ды [[Сацыялістычная Партыя Ўкраіны|Сацыялістычнай партыі]]. Але затым [[Сацыялістычная Партыя Ўкраіны|Сацыялістычная партыя]] ўвайшла ў кааліцыю з [[Партыя рэгіёнаў|Партыяй рэгіёнаў]] ды [[Камуністычная партыя Ўкраіны|камуністамі]]. Юшчанка вымагаў ад свайго блёку ўвайсьці ў гэтую кааліцыю, што частка дэпутатаў і зрабіла.
