'''Вялі́кі Пёс''' ({{langмова-la|Canis Major, CMa}}) — адно з [[88 сучасных сузор’яў]], якое паходзіць з Старажытнай Грэцыі і было пералічанае ў «Альмагесьце» [[Пталемэй|Пталемэя]], астранома [[2 стагодзьдзе|II стагодзьдзя]]. Міталягічна, Вялікі Пёс — адзін з псоў, што дапамагаюць у паляваньні [[Арыён (сузор’е)|Арыёну]] (побач з [[Малы Пёс|Малым Псом]]). У сузор’і Вялікага Пса знаходзіцца зорка [[Сырыюс]] (α Вялікага Пса) — [[падвойная зорка]], ня толькі найярчэйшая ў сузор’і, але і ва ўсім начным небе — мае бачную зорную велічыню {{лік|−1.46}}<sup>m</sup>. Сваёй яскравасьцю яна абавязаная і блізкаму разьмяшчэньню адносна [[Сонечная сыстэма|Сонечнай сыстэмы]]: знаходзячыся за {{сьветлавы год|8.60}} ад Сонца, Сырыюс зьяўляецца [[Сьпіс найбліжэйшых зорак|5-й найбліжэйшай зоркай]]. Наадварот, іншыя яскравыя аб’екты сузор’я найчасьцей — аддаленыя [[яскравы гігант|яскравыя]] і [[звышгігант]]ы. Так, [[Адара]] (ε Вялікага Пса), другая паводле яскравасьці зорка Вялікага Пса, мае зорную велічыню {{лік|1.5}}. За ёй ходам ідзе [[Вэзэн]] (δ CMa) — {{лік|1.8}}, [[Мірцам]] (β CMa) — {{лік|2.0}}, і [[Алюдра]] (η CMa) — {{лік|2.4}}. Чырвоны звышгігант [[VY Вялікага Пса]] — адна з найбуйнейшых зорак, вядомых навуцы.
