Дрысьвята: розьніца паміж вэрсіямі

'''Дрысьвята''', '''Друкша'''  — рака ў [[Браслаўскі раён|Браслаўскім раёне]] [[Віцебская вобласьць|Віцебскай вобласьці]], левы прыток ракі [[Дзісна (рака)|Дзісна]] (басэйн [[Дзьвіна|Дзьвіны]]). Даўжыня 44  км. Плошча вадазбору 1020 км². [[Выдатак вады]] ў вусьці 6,1 м³/с. Сярэдні нахіл воднай паверхні 0,4‰.

Пачынаецца каля вёскі [[Грытуны]] (да пабудовы [[ГЭС Сяброўства народа]] ў [[1953]] рака выцякала з возера [[Дрысьвяты]]). Дзялянка былога рэчышча паміж вёскамі [[Ёдзішкі]] і [[Вусьце]] цяпер лічыцца прытокам Дрысьвяты  — [[Дрысьвятка]]й. Высокая плынь ракі ў межах [[Браслаўская града|Браслаўскай грады]], нізкая  — на захадзе [[Полацкая нізіна|Полацкай нізіны]], вусьце каля вёскі [[Казяны]]. Цячэ праз азёры [[Доўгае возера (Браслаўскі раён)|Доўгае]], [[Высокае возера (Браслаўскі раён)|Высокае]] (паміж імі пабудаваная [[ГЭС Шлях да камунізму]]) і [[Богінскае]].

Даліна пераважна трапэцападобная, шырынёй 200—250  м. [[Абалона]] перарывістая, яе пераважная шырыня 50—100  м. Рэчышча ўмерана зьвілістае, паміж вёскамі [[Кякшты]] (вусьце Прорвы) і Ёдзішкі на працягу 8,9  км каналізаванае. Шырыня рэчышча ў межань да 14  м<ref>{{Літаратура/Блакітная кніга Беларусі|к}}</ref>.