Эстонія пад кайзэраўскай акупацыяй: розьніца паміж вэрсіямі

'''Эстонія была акупаваная [[Нямецкая імпэрыя|кайзэрайскай Нямеччынай]]''' у апошні пэрыяд [[Першая сусьветная вайна|Першай сусьветнай вайны]]. 11-21 кастрычніка 1917 [[нямецкая імпэрская армія]] заняла [[Маанзундзкі архіпэляг|Заходнеэстонскі (Маанзундзкі) архіпэляг]], які складаюць астравы [[Саарэмаа]], [[Хіюмаа]] ды [[Муху]]. Каб прымусіць [[Бальшавікі|бальшавіцкі]] рэжым [[РСФСР|Савецкай Расеі]] падпісаць [[Берасьцейскі мір]], 18 лютага 1918 нямецкія войскі высадзіліся ў кантынэнтальнай Эстоніі і 21 лютага ўвайшлі ў [[Хаапсалу]]. 22 лютага яны занялі [[Валга|Валгу]], а 24 лютага — [[Пярну]], [[Вільяндзі]] і [[Тарту]]. [[Талін]] быў акупаваны на наступны дзень, а 4 сакавіка 1918 з захопам [[Нарва|Нарвы]] ўся тэрыторыя Эстоніі адышла да Нямецкай імпэрыі. Так спынілі існаваньне рэспубліканскі строй, які 24 лютага [[Дэклярацыя незалежнасьці Эстоніі|абвясьціў незалежную дзяржаву]], і ўлада мясцовай расейска-эстонскай [[Чырвоная гвардыя (Расея)|Чырвонае гвардыі]]. Апошнія чырвонагвардзейцы ўцяклі праз раку Нарва 5 сакавіка. 28 лютага 1918 у Талін прыехаў генэрал-лейтэнант {{Не перакладзена|Адольф фон Зэкендорф||et|Adolf von Seckendorff}}, прызначаны вайсковым камандзірам Трэцяе камэндатуры ва ўрадзе Нямецкай вайсковай адміністрацыі Заходнеэстонскага архіпэлягу. У 1918 Эстонія ўвайшла ў склад [[Обэр-Ост|Нямецкай вайсковай адміністрацыі на Ўсходзе]] для [[Куронія|Куроніі]], [[Эстляндзкая губэрня|Эстляндыі]], [[Ліфляндзкая губэрня|Ліфляндыі]], [[Саарэмаа|Ёзэлю]] і [[Рыга|Рыгі]].