'''Бяроза''' ({{мова-la|Betula}}) — род лістападных расьлін сямейства [[бярозавыя]] (Betulaceae). Расьце 300-350 гадоў. Налічвае каля 140 [[Від (біялёгія)|відаў]]<ref>{{Навіна|аўтар=[[Канстанцін Карнялюк]]|загаловак=Мы тут душой чысьцеем|спасылка=http://zil.mogved.by/content/my-tut-dushoj-chysceem/stati|выдавец=[[Газэта]] «[[Зямля і людзі]]»|дата публікацыі=9 лютага 2011|дата доступу=29 студзеня 2013}}</ref>. У мужчынскіх [[суквецьце|суквецьцяў]] [[дыхізія|дызахіі]] 3-кветкавыя, 3 прыкветныя лускі: кроючы [[ліст]] і 2 [[прыкветнічак|прыкветнічка]] кветкі 1-га парадку. Мужчынская [[кветка]] прадстаўленая 2 мэдыяннымі лісточкамі [[калякветнік]]а (пры гэтым задні лісточак значна меншы за пярэдні) і 4 злучанымі парамі [[тычынкі|тычынкамі]]. Паколькі бакавыя лісточкі [[калякветнік]]а адсутнічаюць, [[тычынкі]] суседніх кветак дыхазія цесна датыкаюцца, і [[кветка|кветкі]] нярэзка адмяжоўваюцца адна ад адной. Жаночыя [[дыхізія|дызахіі]] таксама 3-кветкавыя з трыма прыкветкавымі лускамі, як і мужчынскія [[дыхізія|дызахіі]]. Лускі бярозы зрастаюцца ў адну 3-лопасьцевую луску, якая разам з пладамі лёгка пераносіцца ветрам.
Шмат якія віды бярозы — шырока распаўсюджаныя драўнінныя пароды, якія ўтвараюць лясы і сустракаюцца як дамешкі ў лісьцевых і хвойных [[лес|лясоў]] умеранай і халоднай частак [[Эўразія|Эўразіі]] і [[Паўночная Амэрыка|Паўночнай Амэрыкі]]. Шмат якія віды марозаўстойлівыя і пранікаюць далека за [[Палярны круг]] ці ўтвараюць верхнюю мяжу лясной расьліннасьці ў гарах.
