Кум (па-пэрсыдзку: قم, Ком, па-азэрбайджанску: Кум) - места ў Іране, сталіца астану. У 2006 годзе насельніцтва склала 957 496 чалавек. Буйны рэлігійны асяродак шыізму пасьля школы ў Наджафе. Каля места знаходзіцца ракетны палігон. Места Кум знаходзіцца на рацэ пад назваю Кум каля 150 кілямэтраў на поўдзень ад Тэгерану. Вышыня места над узроўнем мора - 975 мэтраў. Праз места праходзіць гасьцінец з ТэгэрануТэгерану ў Ісфаган. Ёсьць думка, што Кум быў заснаваны яшчэ да заваёвы Ірану арабамі. Аднак пацьвердзіць гэта не ўдалося да сёньняшняга часу. Назва места паходзіць ад слова "кум", што перакладаецца як "вал". Моцны штуршок для разьвіцьця Куму дало праўленьне Сэфэвідаў у шастнаццатым стагоддзі. Места пераўтварылася ў буйны асяродак шыізму ў Іране. Наезд аўганцаў-сунітаў на пачатку сямнаццатага стагоддзя прывёў да заняпаду места. У часы шаха Фатх Алі Кум (двевятнаццатае стагоддзе) пачынае адраджацца. Будуецца мноства будынкаў, якія і зараз захаваліся. У Куме вучыцца вялікая колькасьць іранцаў і замежнікаў. Аднак ў большасьці сваёй іранцы і замежнікі вучацца адасоблена. Дзейнасьць навучальных устаноў жорстка кантралюецца. Існуе міжнародны ўнівэрсітэт : джамат аль-Мустафа аль-алямія. Ен мае свае адгалінаваньні: мадрас імама Хамэйні, мадрас Худжыятыя, Джамату улюм,джамат Алі бэйт, жаночае мадрас Бінтуль-худа, джамат Захра і іншыя ўстановы. Навучальная праграма выдзяляецца сваёй арганізаванасьцю, кансэрватыўенасьцю і адсутнасьцю экстрэмізму.
Кум зьяўляецца сьвятым местам [[шыіт]]аў, у месьце пахаваная [[Фатыма дачка Мусы]], сястра імама [[Алі ар-Рыза|Алі ар-Рызы]]. Школа мусульманскага багаслоўя ў Куме лічыцца другой паводле значнасьці пасьля школы ў Наджафе.
