Нарадзіўся ў [[ЛітваВКЛ|Літве]] (магчыма, у [[Ашмянскі павет|Ашмянскім павеце]]). Паходзіў з шляхецкага роду герба «Навіна». Паводле веравызнаньня — [[кальвінізм|кальвініст]]. Родавы маёнтак — [[Меднікі]]. У маладосьці быў зьвязаны з дваром [[Радзівілы|Радзівілаў]]. У [[1581]] пад камандаваннем [[Крыштап Радзівіл «Пярун»|Крыштафа Радзівіла]] прымаў удзел разам з [[Філон Кміта-Чарнабыльскі|Ф. Кмітам-Чарнабыльскім]] і [[Андрэй Рымша|А. Рымшам]] у паходзе ў Расею. Сакратар польскага караля [[Стэфан Баторы|Стэфана Баторыя]], у [[1583]] па яго даручэньні езьдзіў у [[Масква|Маскву]] да [[Іван IV Жахлівы|Івана IV Жахлівага]] зь лістом і падарункамі. З [[26 лютага]] [[1586]] па [[1608]] гады — [[пісар вялікі літоўскі]]. У [[1597]] абіраўся маршалкам Слонімскага сойміка<ref>Старажытная беларуская літаратура (XII—XVII стст.) / Уклад., прадм., камент. І. Саверчанкі. — Мінск: Кнігазбор, 2007. — С. 297. — 608 с.</ref>. З 1600 сакратар пасольства Рэчы Паспалітай у Маскве на чале з [[Леў Сапега|Л. Сапегам]] (прымаў удзел у дыпляматычных перамовах дзеля заключэньня вечнага міру), з 1602 выконваў абавязкі [[Маршалак трыбунальскі|маршалка Літоўскага трыбунала]]. Памёр у 1604 годзе.
