Шатабрыян (фільм)

«Шатабрыян» (па-француску: Chateaubriand) — францускі гістарычны фільм 2010 году рэжысэра П’ера Акніна. Фільм заснаваны на рэальных падзеях жыцьця вядомага францускага літаратара й палітычнага дзеяча Франсуа Рэнэ дэ Шатабрыяна. Фільм вытворчасьці тэлеканала France 2 і GMT Productions.

Шатабрыян
Chateaubriand
Жанр	гістарычны фільм
Рэжысэр	П’ер Акнін
Сцэнарыст	Жан-Франсуа Гае
У ролях	Фрэдэрык Дыфэнталь, Армэль Дойч, Анэліз Эм, Арэлія Пэці
Кампазытар	Yvan Cassar[d]
Вытворчасьць	France 2, GMT Productions
Дата выхаду	2010
Працягласьць	105 хвілінаў
Краіна	Францыя
Мова	француская
Старонка на IMDb

Сюжэт

Францыя канца XVIII стагодзьдзя. Юнак Франсуа праводзіць бязрадасныя дзіцячыя дні ва ўласным правінцыйным радавым замку. Асьцерагаючыся пагрозы рэвалюцыі, дарослы Шатабрыян з’яжджае ў Амэрыку, а вярнуўшыся праз год, выяўляе поўную зьмену палітычнай сыстэмы й ідэалягічных уяўленьняў у сваёй краіне. Ён становіцца жаўнерам раялісцкай арміі, а неўзабаве пасьля гэтага — паступае на службу ва ўрад. Але ягонае галоўнае прызначэньне — літаратура; менавіта як літаратар ён і ўвойдзе ў сусьветную гісторыю.

У ролях

• Фрэдэрык Дыфэнталь — Франсуа Рэнэ дэ Шатабрыян
  • Дэні Мартынэс — Шатабрыян у девяцігадовым узросьце
• Армэль Дойч — Люсі
  • Лю Леві — Люсі ў трынаццацігадовым узросьце
• Анэліз Эм — Жулі Рэкам’е
• Ізабэль Танакіль — маці Шатабрыяна
• Т’еры Ансі — Фантанэ
• Эн Рычард — Ганна дэ Сталь
• Джэфры Бэйтман — Джордж Вашынгтон

Вонкавыя спасылкі

• Шатабрыян на сайце Internet Movie Database  (анг.)