'''Гамзат-бэк''' ([[1789]], аул Гацатль -– [[19 верасьня]] [[1834]]) -— імам [[Дагестан]]у й [[Чачэнская Рэспубліка Ічкерыя|Чачэніі]] ([[1832]]- – [[1834]]).
Паводле паходжаньня [[чанка]]. Сын нашчадка Мухаммад-хана Казыкумухскага, Аліскандыр-бэка, вэзыра Разуму-хан-нуцала Аварскага ([[1775]]- – [[1801]]). Найбліжэйшы паплечнік і пасьлядоўнік імама [[Газы-Магамэд]]а. Падпарадкаваўшы шэраг аварскіх паселішчаў па берагах Аварскага й Андыйскага Койсу (Гімры, Ашыльта, Ірганай, Унцукуль, Аракані), накіраваў галоўны ўдар супраць рэзыдэнцыі [[хан]]аў Аварыі - крэпасьці Хунзах. Гамзат-бэк запатрабаваў ад ханкі Баху-біке ўвядзеньня законаў [[шарыят]]у ў Аварыі, прызнаньня імамства Гамзат-бэка і ўдзелу Аварыі ў [[газават|газаваце]] супраць [[Расея|Расеі]]. Перамовы з ханкай не далі жаданых вынікаў, пасьля чаго войскі Гамзат-бэка захапілі Хунзах і вынішчылі ўсіх спадчыньнікаў ханскага дому. Помсьцячы за зробленае, падчас пятніцкае малітвы ў Хунзахе Гамзат-бэк быў забіты сваякамі ханскае сям'і братамі Асманам і Хаджы-Муратам.
