Франчэска Андрыёлі

Франчэска Андрыёлі (па-польску: Franciszek Andriolli, па-летувіску: Pranciškus Andriolis; 1794, Брэнтаніка ля Равэрета - травень 1861, Вільня) - мастак, жывапісец, скульптар італьянскага паходжаньня; бацька мастака ілюстратара Міхала Эльвіра Андрыёлі.

Франчэска Андрыёлі
Імя пры нараджэньні	Francesco Andriolli
Дата нараджэньня	1794(1794)
Месца нараджэньня	Brentonico[d], Трэнтына[d], Трэнтына-Альта Адыджэ, Італія
Дата сьмерці	1861(1861)
Месца сьмерці	Вільня
Месца вучобы	Віленскі ўнівэрсытэт (1832) Імпэратарская акадэмія мастацтваў[d] (1839)
Занятак	скульптар, маляр

Біяграфія

Служыў у арміі Напалеона, у чыне капітана ўдзельнічаў у паходзе на Расею (1812), трапіў у палон. Пасьля вызваленьня з палону ажаніўся на польцы і абгрунтаваўся ў Вільні. У 1827 прыняў расейскае падданства. У Віленскім унівэрсітэце атрымаў спецыяльнасьць жывапісца і дэкаратара (1832), у Імпэратарскай Акадэміі мастацтваў ў Санкт-Пецярбурзе - спецыяльнасьць настаўніка маляваньня (1839). Некаторы час выкладаў у Шаўлях у дваранскім вучылішчы.

Творчасьць

У 1830-е гады рэстаўраваў скульптуры і фрэскі ў каталіцкім катэдральным саборы у Вільні. Аўтар скульптурных твораў: «Укрыжаваньне» для францішканскага касьцёла Ушэсьця Сьвятой Дзевы Марыі у Вільні, 1841; таксама скульптурнага дэкору ў касьцёле Сьвятога Яна Хрысьціцеля ў Біржах