Рада Эўрапейскага зьвязу
Рада Эўрапейскага зьвязу, афіцыйная назва Рада, звычайна згадваецца як Рада міністраў — разам з Эўрапейскім парлямэнтам, адзін з двух заканадаўчых органаў Эўрапейскага зьвязу і адзін зь сямі ягоных інстытутаў.
У Раду ўваходзяць 27 міністраў ўрадаў краінаў-сябраў Эўрапейскага зьвязу ў складзе, які залежыць ад абмяркоўваемага кола пытаньняў. Таксама бяз права голасу ў Радзе бярэ ўдзел адпаведны эўракамісар. Напрыклад, пытаньнямі аховы працы займаюцца 27 адпаведных міністраў дзяржаваў-сябраў, што кіруюць аховай працы, — міністраў працы або сацыяльнага забесьпячэньня — а таксама камісар па пытаньнях занятасьці, сацыяльных пытаньнях і палітыцы забесьпячэньня роўных магчымасьцяў.
Склад
рэдагавацьСтаршынства ў Радзе па чарзе перадаецца кожныя шэсьць месяцаў паміж урадамі дзяржаваў-сябраў ЭЗ, прычым адпаведныя міністры адпаведнай краіны старшынствуюць у любы момант часу, забясьпечваючы бесьперабойнае правядзеньне пасяджэньняў і ўсталёўваючы штодзённую парадак дня. Пераемнасьць паміж старшынствамі забясьпечваецца пагадненьнем, у адпаведнасьці зь якім тры пасьлядоўных старшынства, вядомыя як тройкі старшынстваў, маюць агульныя палітычныя праграмы. Аднак Рада па замежных справах (Нацыянальныя міністры замежных справаў) ачольваецца Высокім прадстаўніком ЭЗ.