Міраслаў (Летува)

Міраслаў (лет. Miroslavas) — вёска ў Летуве, каля ракі Нёмана. Цэнтар староства Аліцкага раёну Аліцкага павету. Насельніцтва на 2011 год — 382 чалавекі. Знаходзіцца за 12 км на захад ад Аліты.

Міраслаў лац. Mirasłaŭ
лет. Miroslavas
Касьцёл
Герб Міраслава
Краіна:	Летува
Павет:	Аліцкі
Раён:	Аліцкі
Насельніцтва:	382 чал. (2011)
Часавы пас:	UTC+2
летні час:	UTC+3
Геаграфічныя каардынаты:	54°23′0″ пн. ш. 23°53′0″ у. д.
Міраслаў на мапе Летувы Міраслаў
Галерэя здымкаў у Вікісховішчы

Міраслаў — даўняе мястэчка гістарычнай Троччыны. Да нашага часу тут захаваўся касьцёл Найсьвяцейшай Тройцы, помнік архітэктуры XIX стагодзьдзе.

Назва

Ад пачатку паселішча мела рускую назву Слабада. Сваю цяперашнюю назву яно атрымала ў 1744 годзе ў гонар гаспадароў маёнтку Міраслаўскіх.

Гісторыя

Вялікае Княства Літоўскае

Упершыню Міраслаў упамінаецца ў XVII ст. У гэты час ён уваходзіў у склад Троцкага павету Троцкага ваяводзтва.

У XVIII ст. Міраслаў атрымаў статус мястэчка. У 1719 годзе тут збудавалі драўляны касьцёл.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Міраслаў апынуўся ў складзе Прусіі, у 1807 годзе згодна з Тыльзіцкай мірнай дамовай — у складзе Расейскай імпэрыі, у Сейненскім павеце Сувальскай губэрні. На 1827 год у мястэчку было 33 будынкі.

За часамі Першай сусьветнай вайны ў 1915 годзе Міраслаў занялі войскі Нямецкай імпэрыі

Найноўшы час

Па польска-летувіскіх баях і падпісаньні пагадненьня паміж міжваеннай Польскай Рэспублікай і Летувой у 1919 годзе Міраслаў апынуўся ў складзе Летувы. За часамі Другой сусьветнай вайны з чэрвеня 1941 да 1944 году мястэчка знаходзілася пад акупацыяй Трэцяга Райху.

Насельніцтва

Дэмаграфія

• XIX стагодзьдзе: 1827 год — 328 чал.
• XXI стагодзьдзе: 2011 год — 382 чал.

Турыстычная інфармацыя

Капліца

Славутасьці

• Капліца
• Касьцёл Найсьвяцейшай Тройцы (1847)