Ліга Эўропы УЭФА

	Ліга Эўропы УЭФА
Заснаваны	1971
Колькасьць камандаў	58
Дзейны чэмпіён	«Аталянта Бэргама» ; (1 тытул)
Найбольш пасьпяховы клюб	«Сэвільля» ; (7 тытулаў)
Тэлевізійныя спадарожнікі	Ліга чэмпіёнаў; Ліга канфэрэнцыяў
Вэб-сайт	Афіцыйны сайт
	2024—2025

Ліга Эўропы УЭФА (па-ангельску: UEFA Europa League) — штогадовы эўрапейскі футбольны кубкавы турнір, які праводзіцца пад эгідаю УЭФА; другі па значнасьці пасьля Лігі чэмпіёнаў. Першапачатковая назва — Кубак кірмашоў (па-ангельску: Inter-Cities Fairs Cup), потым — Кубак УЭФА (па-ангельску: UEFA Cup). З сэзону 2009—2010 гадоў кубак зьмяніў фармат і назву і стаў звацца Ліга Эўропы.

Фармат турніру (пачынаючы з сэзону 2024—2025 гадоў): 4 кваліфікацыйныя раўнды (чацьверты раўнд кваліфікацыі афіцыйна завецца раўндам плэй-оф), лігавы турнір і плэй-оф (пачынаючы з 1/16 фіналу). Усе раўнды кваліфікацыі і плэй-оф (за выключэньнем фіналу) складаюцца з двух матчаў. Фінал складаецца з аднаго матчу на выбраным загадзя полі.

У лізе маюць права ўдзельнічаць уладальнікі кубкаў сваіх краінаў і каманды, якія занялі адпаведныя месцы ў сваіх чэмпіянатах. У залежнасьці ад месца іх краіны ў табліцы каэфіцыентаў УЭФА каманды пачынаюць барацьбу з таго ці іншага раўнду кваліфікацыі. Таксама ў другім, трэцім і чацьвертым кваліфікацыйным раўндзе да іх далучаюцца клюбы, якія прайгралі адпаведна ў першым, другім і трэцім кваліфікацыйных раўндах Лігі чэмпіёнаў. Пераможцы чацьвертага раўнду Лігі Эўропы, а таксама каманды, якія прайгралі ў раўндзе плэй-оф Лігі чэмпіёнаў, гуляюць у лігавым турніры (36 камандаў, кожная зь якіх гуляе 8 матчаў супраць абраных супернікаў). 8 найлепшых камандаў лігавага этапу выходзяць у 1/8 фінала Лігі Эўропы, а клюбы з 9-24 месцаў пачынаюць плэй-оф з фазы 1/16 фінала. З сэзону 2015—2016 гадоў пераможца розыгрышу Лігі Эўропы атрымлівае права на ўдзел у Лізе чэмпіёнаў наступнага сэзону.

Турнір быў заснаваны ў 1971 годзе. Найбольшую колькасьць разоў (сем) яго выйграваў гішпанскі клюб «Сэвільля».

Пераможцы

2023/2024 — Аталянта (Бэргама, Італія)
2022/2023 — Сэвільля (Гішпанія)
2021/2022 — Айнтрахт (Франкфурт, Нямеччына)
2020/2021 — Вільярэал (Гішпанія)
2019/2020 — Сэвільля (Гішпанія)
2018/2019 — Чэлсі (Лёндан, Ангельшчына)
2017/2018 — Атлетыка (Мадрыд, Гішпанія)
2016/2017 — Манчэстэр Юнайтэд (Ангельшчына)
2015/2016 — Сэвільля (Гішпанія)
2014/2015 — Сэвільля (Гішпанія)
2013/2014 — Сэвільля (Гішпанія)
2012/2013 — Чэлсі (Лёндан, Ангельшчына)
2011/2012 — Атлетыка (Мадрыд, Гішпанія)
2010/2011 — Порту (Партугалія)
2009/2010 — Атлетыка (Мадрыд, Гішпанія)
2008/2009 — Шахтар (Данецк, Украіна)
2007/2008 — Зэніт (Санкт-Пецярбург, Расея)
2006/2007 — Сэвільля (Гішпанія)
2005/2006 — Сэвільля (Гішпанія)
2004/2005 — ЦСКА (Масква, Расея)
2003/2004 — Валенсія (Гішпанія)
2002/2003 — Порту (Партугалія)
2001/2002 — Фэеноорд (Ратэрдам, Нідэрлянды)
2000/2001 — Лівэрпул (Ангельшчына)
1999/2000 — Галатасарай (Стамбул, Турэччына)
1998/1999 — Парма (Італія)
1997/1998 — Інтэрнацыянале (Мілян, Італія)
1996/1997 — Шальке-04 (Гельзэнкірхэн, Нямеччына)
1995/1996 — Баварыя (Мюнхэн, Нямеччына)
1994/1995 — Парма (Італія)
1993/1994 — Інтэрнацыянале (Мілян, Італія)
1992/1993 — Ювэнтус (Турын, Італія)
1991/1992 — Аякс (Амстэрдам, Нідэрлянды)
1990/1991 — Інтэрнацыянале (Мілян, Італія)
1989/1990 — Ювэнтус (Турын, Італія)
1988/1989 — Напалі (Нэапаль, Італія)
1987/1988 — Баер (Левэркузэн, Нямеччына)
1986/1987 — Гётэборг (Швэцыя)
1985/1986 — Рэал Мадрыд (Гішпанія)
1984/1985 — Рэал Мадрыд (Гішпанія)
1983/1984 — Тотэнгэм Готспур (Лёндан, Ангельшчына)
1982/1983 — Андэрлехт (Брусэль, Бэльгія)
1981/1982 — Гётэборг (Швэцыя)
1980/1981 — Іпсўіч Таўн (Ангельшчына)
1979/1980 — Айнтрахт (Франкфурт-на-Майне, Нямеччына)
1978/1979 — Барусія (Мёнхэнглядбах, Нямеччына)
1977/1978 — ПСВ (Эйндговэн, Нідэрлянды)
1976/1977 — Ювэнтус (Турын, Італія)
1975/1976 — Лівэрпул (Ангельшчына)
1974/1975 — Барусія (Мёнхэнглядбах, Нямеччына)
1973/1974 — Фэеноорд (Ратэрдам, Нідэрлянды)
1972/1973 — Лівэрпул (Ангельшчына)
1971/1972 — Тотэнгэм Готспур (Лёндан, Ангельшчына)

Вонкавыя спасылкі

Афіцыйны сайт (анг.)