Лясная песьня
«Лясная песьня» — беларуская патрыятычная песьня 1950 году.
«Лясная песьня» | |
Песьня выканаўцы Ісідара Балоціна і Міхаіла Дзянісава зь міні-альбому Беларускія песьні | |
Мова | беларуская |
---|---|
«Д—00366» | |
Напісаная | 1950 |
Выдадзеная | 1952 |
Фармат | грампласьцінка |
Запісаная | 1951 |
Працягласьць | 3:02 |
Лэйбл | Беларускі радыёкамітэт |
Аўтар(ы) | Адам Русак |
Кампазытар(ы) | Уладзімер Алоўнікаў |
Прадусэр(ы) | Рыгор Пукст, Марк Шнэйдэрман |
Вобразна апявае разгортваньне партызанскага руху падчас нямецкай акупацыі Беларусі 1941—1944 гадоў. У 1950 годзе верш для песьні напісаў паэт-песеньнік Адам Русак. Словы вершу на музыку паклаў кампазытар Уладзімер Алоўнікаў. У якасьці мэты беларускіх партызанаў песьня падае свабоду роднага краю і яго росквіт у шчасьці. Нацыянальна расьпеўная музыка «Лясной песьні» мае лірычна-задушэўную афарбоўку. У 2014 годзе 1-ы галоўны рэдактар часопіса «Роднае слова» (1987—2006) Міхась Шавыркін адзначыў, што песьня набыла настолькі шырокую папулярнасьць, што стала музычна-паэтычным увасабленьнем сваёй эпохі[1].
У 1952 годзе Беларускі радыёкамітэт выпусьціў песьню на 2-й з дзьвюх грампласьцінак Беларускія песьні. Твор выконвалі народныя артысты Ісідар Балоцін і Міхаіл Дзянісаў, якія былі опэрнымі сьпевакамі Дзяржаўнага тэатру оперы і балету Беларусі. Гуказапіс праходзіў пры ўдзеле хору Беларускага радыёкамітэту пад кіраўніцтвам Рыгора Пукста і Сымфанічнага аркестру Беларускай дзяржаўнай філярмоніі пад дырыгенцтвам заслужанага дзеяча мастацтваў Марка Шнэйдэрмана[2]. У 2004 годзе рок-гурт «Незалежная Рэспубліка Мроя» ўклаў уласную аранжыроўку «Лясной песьні» ў складанку Генералы айчыннага року.
Верш
рэдагаваць
— Адам Русак, «Лясная песьня» |
Крыніцы
рэдагаваць- ^ Міхась Шавыркін. Лясная песьня // Зьвязда : газэта. — 14 чэрвеня 2014. — № 110 (27720). — С. 8. — ISSN 1990-763x.
- ^ Беларускія песьні // Каталёг савецкі пласьцінак, 9 лютага 2017 г. Праверана 17 студзеня 2025 г.
Вонкавыя спасылкі
рэдагаваць- Ісідар Балоцін, Міхаіл Дзянісаў. «Лясная песьня» (У.Алоўнікаў – А.Русак) // С. Русецкі, 18 кастрычніка 2024 г. Праверана 17 студзеня 2025 г.
Гэта — накід артыкула. Вы можаце дапамагчы Вікіпэдыі, пашырыўшы яго. |