Балотная чарапаха эўрапейская
Балотная чарапаха эўрапейская (Emys orbicularis) — від паўзуноў сямейства прэснаводных чарапах. Адзіны ў Беларусі прадстаўнік атраду чарапах.
| Балотная чарапаха эўрапейская | |
 | |
| Клясыфікацыя | |
|---|---|
| Царства | Жывёлы |
| Тып | Хордавыя |
| Кляса | Паўзуны |
| Атрад | Чарапахі |
| Падатрад | Скрыташыйныя |
| Сямейства | Прэснаводныя чарапахі |
| Род | Балотныя чарапахі |
| Від | Балотная чарапаха эўрапейская |
| Бінамінальная намэнклятура | |
| Emys orbicularis | |
| Арэал | |
| |
| Арэал | |
Апісаньне рэдагаваць
Даўжыня панцыру 16—18 (да 22) см, шырыня каля 15 см, вышыня 6—8 см, маса цела 400—600 (часам да 1500) г. Хвост крыху меншы за палову даўжыні панцыру. Сьпінны і брушны шчыты панцыра злучаны паміж сабой рухомай сухажыльнай зьвязкай. Зьверху панцыр гладкі і афарбаваны ў цёмна-аліўкавыя, жоўта-карычневыя або цёмна-шэрыя (да чорнага) тоны. На гэтым цёмным фоне рассыпаны дробныя сьветла-жоўтыя плямкі або рысачкі. Зьнізу панцыр мае афарбоўку ад жаўтаватай да цёмна-бурай. Галава, шыя і канечнасьці таксама пакрыты дробнымі жаўтаватымі плямкамі на цёмным фоне.
Літаратура рэдагаваць
- Земнаводныя. Паўзуны: Энцыклапедычны даведнік. Мн: БелЭн, 1996. ISBN 985-11-0067-6
Вонкавыя спасылкі рэдагаваць
Балотная чарапаха эўрапейская — сховішча мультымэдыйных матэрыялаў