Алімпіякос Пірэй (баскетбольны клюб)
«Алімпіяко́с» (па-грэцку: ΚΑΕ Ολυμπιακός Σ.Φ.Π.) — грэцкі баскетбольны клюб зь Пірэю, які належыць да аднайменнага шматспартовага клюбу. Каманда спаборнічае ў Грэцкай баскетбольнай лізе. У той час як клюб быў заснаваны ў 1925 годзе, баскетбольная каманда ў ягоным складзе зьявілася ў 1931 годзе. Свае хатнія матчы каманда ладзіць на Стадыёне міра і сяброўства. «Алімпіякос» уважаецца адным з самых пасьпяховых клюбаў у гісторыі грэцкага баскетболу і адным з самых пасьпяховых клубаў у Эўропе, здабыўшы некалькі тытулаў чэмпіёнаў Эўралігі і больш за дзясятак тытулаў чэмпіёнаў Грэцыі. Клюб шмат разоў браў удзел у фіналах чатырох Эўралігі[1]. У 2008 годзе «Алімпіякос», які належаў грэцкім братам-мільярдэрам Ангелёпулясам, зьдзейсьніў рэкордны трансфэр, падпісаўшы кантракт з гульцом НБА Джошам Чылдрэсам, чый трохгадовы кантракт на суму 20 мільёнаў даляраў ЗША, зрабіўшы гульца самым высокааплатным баскетбалістам у сьвеце па-за межамі НБА[2].
| Алімпіякос | ||
 | ||
| Заснаваны | 1931 | |
|---|---|---|
| Месцазнаходжаньне | Пірэй, Грэцыя | |
| Арэна | Стадыён міра і сяброўства Зьмяшчальнасьць: 12 700 | |
| Галоўны трэнэр | Ёргас Барцокас | |
| Чэмпіянат | Грэцыі | |
| Форма | ||
| Клюбныя колеры | ||
|
| ||
| Спасылкі | ||
| Афіцыйная бачына | ||
 Галерэя здымкаў у Вікісховішчы
| ||
Гісторыя
рэдагавацьКлуб бярэ свой пачатак у 1930-я гады. Тады «Алімпіякос» быў першай грэцкай камандай, якая азнаёмілася з амэрыканскім стылем баскетболу, калі Алекас Спанудакіс навучыўся імітаваць кідок у амэрыканскім стылі, а ягоны брат Яніс Спанудакіс, які адначасна быў гульцом і галоўным трэнэрам каманды, сустрэў легенду баскетболу Боба Кузі і запрактыкаваў многія зь ягоных сакрэтаў і прыёмаў на пляцоўцы. Браты Спанудакісы прывялі клюб да першага чэмпіёнства Грэцыі ў 1949 годзе[3]. Другі тытул быў здабыты толькі праз адзінаццаць гадоў, у 1960 годзе, і дазволіў «чырвоным» упершыню кваліфікавацца ў Кубак эўрапейскіх чэмпіёнаў, які сёньня вядомы як Эўраліга.
Наступныя гады не прынесьлі посьпеху каманды. Толькі ў 1976 годзе трэнэру Фаідану Матаію ўдалося стварыць моцную каманду, дзе галоўнымі зоркамі былі Стыў Янцоглю, Ёргас Кастрынакіс і Ёргас Барляс. «Алімпіякос» здабыў яшчэ адзін тытул чэмпіёнаў краіны, зрабіўшы гэта беспрэцэдэнтным чынам, паклаўшы на свой рахунак 22 перамогі ў 22 гульнях. «Чырвоныя» аформілі першы дубль у сваёй гісторыі, здабыўшы яшчэ і Кубак Грэцыі, у той час як няблага выступілі ў Кубку ўладальнікаў кубкаў, трапіўшы ў наймацнейшую васьмёрку. У наступным годзе Костас Мурузіс быў прызначаны галоўным трэнэрам каманда, зь якой ён здабыў Кубак Грэцыі, выбіўшы «Панатынаікос» з рэкорднай выязной перамогай зь лікам 110:68. Гэтая розьніца ў 42 пункты ўважаецца самай вялікай у гульнях паміж гэтымі дзьвюма камандамі[4]. У 1978 годзе каманда зрабіла свой другі дубль за тры гады, выйграўшы і чэмпіянат Грэцыі і здабыўшы свой трэці Кубак Грэцыі запар, перамогшы ў фінале АЕК зь лікам 103:88.
У 1979 годзе клюб таксама дасягнуў першага значнага посьпеху ў Эўропе, прабіўшыся ў фінальны раўнд з шасьцю ўдзельнікамі ў Кубку эўрапейскіх чэмпіёнаў. Фінальны раўнд таго году быў адным з самых цяжкіх за ўвесь час спаборніцтваў. «Алімпіякос» спыніўся на шостым месцы, перамогшы толькі ў адной гульні ў матчы супраць «Макабі» з Тэль-Авіву. Клюб выйграў яшчэ адзін Кубак Грэцыі ў 1980 годзе, які стаў апошнім у пасьпяховай эры Янцоглю—Кастрынакіса. У 1979, 1980 і 1981 гадах пірэйцы займалі другое месца ў чэмпіянаце Грэцыі. 1980-я гады адзначыліся часам пэўнага заняпаду «чырвоных», калі яны былі пасунутыя двума моцнымі клюбамі з Тэсалёнікаў, як то «Арысам» і ПАОКам.
Толькі ў 1990-я гады пірэйцы зрабілі вялікі крок наперад. Сярэдзіна таго дзесяцігодзьдзя цалкам належыла «Алімпіякосу» ня толькі ў Грэцыі, але і ў Эўропе. У сэзоне 1991—1992 гадоў вядомы грэцкі трэнэр Яніс Янідыс пакінуў «Арыс», каб ачоліць «Алімпіякосам», стварыўшы моцную дружыну, арыентаваную на камандную і атакуючую гульню. У дадатак да гэтага, «Алімпіякос» пакінуў старую крытую залу Папастратэё, каб пераехаць на стадыён міра і сяброўства, якая на той час была здольная зьмясьціць 17 000 чалавек. Клюб стаў гегемонам айчыннага баскетболу.
Крыніцы
рэдагаваць- ^ «EuroLeague: Το 11ο Final Four για τον Ολυμπιακό». Sport24.gr.
- ^ «Olympiacos Ownership Duo Entices Former NBAer Josh Childress». Sports Business Daily.
- ^ «Αλέκος Σπανουδάκης: Τα 5 πράγματα που δεν ξέρεις για τον εμβληματικό αρχηγό του Ολυμπιακού». Sport24.gr.
- ^ «Το ιστορικό 110–68 του Ολυμπιακού». Sportfm.gr.