ALF TV Game
ALF TV Game, альбо «Эльф» — беларуская гульнёвая прыстаўка на базе клёну дамашняга кампутара ZX Spectrum 48K. Распрацаваная берасьцейскім СКБ «Запад» і выпускалася заводам «Колератрон» у пачатку 1990-х рокаў.
Тэхнічныя характарыстыкі рэдагаваць
Збудаваная на БВМ(en) Т34ВГ1(ru). АЗП на дзьвюх рэдкіх мікрасхемах ЭКР565РУ11, якія маюць арганізацыю 65536×4), ПЗП 27256 (КР573РФ8) альбо 27c010 (128 КБ) з інтэграванымі гульнямі. Два раздымы для падлучэньня джойстыкаў, выхад RGB, ВЧ-мадулятар.
Блёк сілкаваньня зьнешні, выпрацоўвае нестабілізаванае сталае напружаньне каля 14 В. Патрэбныя для сілкаваньня прыстаўкі напружаньня 5 В і 12 В атрымліваюцца шляхам выкарыстаньня стабілізатараў унутры самой прыстаўкі.
Джойстык прастакутны, з крыжавінай і дзьвюмя кнопкамі, прыпадобнены да джойстыку ад «Dendy».
ПЗП прыстаўкі зьмяшчаюць у адной старонцы мэню, у другой — звычайны Sinclair BASIC.
Пры запуску прыстаўка выводзіла на экран сьпіс гульняў, прашытых у картрыджы. Бяз картрыджу выводзіла пусты сьпіс.
Картрыджы ўяўляюць сабой плату зь мікрасхемамі ПЗП і дэшыфратарам старонак (зварот да картрыджу ідзе праз старонкі памерам 16К). Аб’ём ПЗП у розных картрыджах розны — 128К, 256К.
Гульні рэдагаваць
Гульні ўзятыя з арыгінальнага ZX Spectrum і лякалізаваныя (маскалізаваныя, дададзенае апісаньне, зьмененае мэню, кіраваньне)[1].
Інтэграваныя рэдагаваць
Пры наяўнасьці на самой прыстаўцы ПЗП аб’ёмам 128 КБ туды ўваходзілі тры гульні:
- «Гелікоптэр» (Airwolf II)
- «Ратавальнік» (Tujad)
- «Гонкі» (Enduro)
Картрыдж «Эльф-1» рэдагаваць
- «Більярд» (Video Pool)
- «Буран» (Jetpac)
- «Повар» (Cookie)
- «Зоралёт» (Zynaps)
- «Тэніс» (Batty)
- «Лянсэлот» (Sir Lancelot)
- «Лябірынт» (Pentagram)
- «Сыгма» (Sigma 7)
- «Палісмэн» (Jail Break)
- Тэст экрану
Картрыдж «Эльф-2» рэдагаваць
- «Агент Х2» (Agent X II)
- «Андроід» (Alien 8)
- «Каменяпад» (Boulder Dash)
- «Чыжык-Пыжык» (Nifty Lifty)
Картрыдж «Эльф-3» рэдагаваць
- «Мотаралі» (Enduro Racer)
- «Коля сапёр» (Bomb Jack)
- «Робін у лесе» (Robin of the Wood)
- «Кібэрноід» (Cybernoid II: The Revenge)
- «Гульня на лёдзе» (Xeno)
- «Барбарыян» (Barbarian)
Крыніцы рэдагаваць
- ^ Игры для приставки «Эльф» (рас.) Spectrum-совместимые компьютеры «Байт», «Байт-01» и прочие раритеты Праверана 17 жніўня 2017 г.
Вонкавыя спасылкі рэдагаваць
- Схемы прыстаўкі і картрыджаў, прашыўкі ПЗП, гульні для «Эльфу» (рас.)
- ALF TV Game на SpeccyWiki
- Эмулятар Emu (рас.)