Сяржант

Сяржант — вайсковае ці спэцыяльнае званьне сяржанцкага саставу ва Ўзброеных Сілах, іншых войсках і вайсковых фармаваньнях Рэспублікі Беларусі і некаторых іншых краінаў. Рангам сяржант вышэйшы за малодшага сяржанта і ніжэйшы за старшага сяржанта.

Пагон старшага ўнтэрафіцэра Расейскай Імпэратарскай Арміі

Пагон сяржанта Савецкай Арміі

Ва Ўзброеных Сілах Рэспублікі Беларусі надаецца вайскоўцу, які да гэтага меў званьне малодшы сяржант, па заканчэньні выслугі дзевяць месяцаў у гэтым вайсковым званьні, калі ён займае пасаду, для якой штатам агадана вайсковае званьне сяржант ці больш высокае.

Перад вайсковым званьнем вайскоўца, які праходзіць ваенную службу ў гвардзейскай вайсковай частцы дадаецца слова "гвардыі".

Вайсковае званьне рэзэрвіста дапаўняецца словам "рэзэрву".

Вайсковае званьне грамадзяніна, які складаецца ў запасе ці знаходзіцца ў адстаўцы, дапаўняецца адпаведна словамі „запасу“ ці „ў адстаўцы“.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 ас. — ISBN 985-11-0251-2 (Т. 15)
• Закон Рэспублікі Беларусь пра воінскі абавязак і воінскую службу(недаступная спасылка)
• Палажэньне пра парадак праходжаньня вайсковай службы(недаступная спасылка)