Спартак Мірановіч
- У Вікіпэдыі ёсьць артыкулы пра іншых людзей зь імем Спартак.
- Вікіпэдыя мае артыкулы пра іншых асобаў з прозьвішчам Мірановіч.
Спарта́к Пятро́віч Мірано́віч (нарадзіўся 20 чэрвеня 1938, Магнітагорск, РСФСР) — гандбольны трэнэр, заслужаны трэнэр СССР (1977) і Беларускай ССР (1967).
Спартак Мірановіч | |
 | |
| Род дзейнасьці | гадбольны трэнэр |
|---|---|
| Дата нараджэньня | 20 чэрвеня 1938 (85 гадоў) |
| Месца нараджэньня | Магнітагорск, РСФСР, СССР |
| Грамадзянства | Беларусь |
| Месца вучобы | |
| Занятак | трэнэр |
| Узнагароды | |
Біяграфія рэдагаваць
Спартак Мірановіч скончыў Гомельскі пэдагагічны інстытут (1963), як гулец выступаў за «Буравесьнік» (Менск). Майстар спорту СССР (1964). З 1966 году на трэнэрскай працы. З 1969 году — трэнэр Рэспубліканскай школы вышэйшага спартовага майстэрства, з 1970 году — трэнэр зборнай каманды юніёраў СССР — пераможца чэмпіянату сьвету сярод юніёраў (1977, 1979, 1983, 1985). З 1976 да 2016 быў нязьменным галоўным трэнэрам мужчынскай гандбольнай каманды СКА (Менск). За гэты час неаднаразова прыводзіў каманду да перамогаў у нацыянальных і міжнародных спаборніцтвах. У 1986—1992 гадах Спартак Мірановіч працаваў трэнэрам у зборнай камандзе СССР па гандболе, зь якой дамогся найвышэйшых дасягненьняў для гэтай каманды — перамог на XXIV Алімпійскіх гульнях у Сэуле і XXV Алімпійскіх гульнях у Барсэлёне. На Алімпійскіх гульнях у Барсэлёне зьяўляўся галоўным трэнэрам зборнай. З 1992 па чэрвень 2008 году працаваў галоўным трэнэрам зборнай Беларусі. З 1991 па 1997 год — чалец Выканаўчага камітэту Нацыянальнага алімпійскага камітэту Рэспублікі Беларусь.
Дасягненьні і тытулы рэдагаваць
- 6-разовы пераможца чэмпіянату СССР — 1981, 1984, 1985, 1986, 1988, 1989
- Срэбны прызэр чэмпіянату СССР — 1982, 1983, 1987, 1990, 1992
- Бронзавы прызэр чэмпіянату СССР — 1991
- 3-разовы ўладальнік Кубка СССР — 1980, 1981, 1982
- 3-разовы ўладальнік Кубка эўрапейскіх чэмпіёнаў — 1987, 1989, 1990
- 2-разовы ўладальнік Кубка ўладальнікаў кубкаў эўрапейскіх краінаў — 1983, 1988
- Уладальнік Кубка Выкліку — 2013
- Фіналіст Кубка ЭГФ — 1992
- 10-разовы чэмпіён Беларусі — 1993, 1994, 1995, 1996, 1997, 1998, 1999, 2000, 2001, 2002
- Срэбны прызэр чэмпіянату Беларусі — 2004, 2005, 2006, 2007, 2008
- Бронзавы прызэр чэмпіянату Беларусі — 2009
Зборная СССР:
- Двухразовы алімпійскі чэмпіён (1988, 1992)
- Срэбны прызэр чэмпіянату сьвету (1990)
- Срэбны прызэр Супэркубка (1983)
- Пераможца Гульняў добрай волі (1986, Масква; 1990, Сіетл)
Бібліяграфія рэдагаваць
- Миронович С. П., Беленький Д. И. Белорусский гандбол: путь к признанию. — Минск: Полымя, 1989.
- Кудрицкий В. Н., Миронович С. П. Этот быстрый ручной мяч. — Минск: Полымя, 1989. — 125 с ил.