Пустошкінскі раён

Пустошкінскі раён — адміністрацыйна-тэрытарыяльная адзінка на поўдні Пскоўскай вобласьці Расеі. Адміністрацыйны цэнтар — места Пустошка.

Пустошкінскі раён
Пустошкинский район
Герб	Сьцяг
Агульныя зьвесткі
Краіна	Расея
Статус	раён
Уваходзіць у	Пскоўскую вобласьць
Адміністрацыйны цэнтар	Пустошка
Дата ўтварэньня	1927
Насельніцтва (2004)	11 700
Плошча	1870 км²
Месцазнаходжаньне Пустошкінскага раёну
Мэдыя-зьвесткі
Часавы пас	UTC +3
Код аўтам. нумароў	60
Афіцыйны сайт
Дадатковыя мультымэдыйныя матэрыялы

Геаграфія

Плошча раёну — 1870 км².

Раён мяжуе на поўдні — зь Невельскім, на поўначы — з Апочацкім і Бяжаніцкім, на захадзе — зь Себескім, на ўсходзе — з Новасакольніцкім раёнам.

Асноўныя рэкі — Алоля, Ушча, Невядранка, Вялікая.

Гісторыя

• 1 жніўня 1927 — пастановай ВЦВК утвораны Пустошкінскі раён у складзе Вялікалуцкай акругі Ленінградзкай вобласьці з Пустошкінскай і частцы Луначарскай воласьці Себескага павету; частак Маеўскай і Чарнацоўскай воласьцяў Невельского павету і частцы Ежанскай воласьці Апочацкага павету. У склад раёнуўвайшло 22 сельсаветы.
• ліпень 1928 — Пустошкінскі раён у складзе Вялікалуцкай акругі увайшоў у зноў утвораную Заходнюю вобласьць з цэнтрам у м. Смаленску.
• 29 студзеня 1935 — Пустошкінскі раён улучаны ў склад ізноў утворанай Вялікалуцкай акругі Калінінскай вобласьці.
• травень 1938 — Пустошкінскі раён з Вялікалуцкай акругі перададзены ў склад Апочацкай.
• люты 1941 — Апочацкая акруга ліквідаваная, Пустошкінскі раён перададзены ў Калінінскую вобласьць.
• 22 жніўня 1944 — Пустошкінскі раён увайшоў у склад Вялікалуцкай вобласьці.
• 2 кастрычніка 1957 — Пустошкінскі раён у зьвязку зь ліквідацыяй Вялікалуцкай вобласьці ўвайшоў у склад Пскоўскай вобласьці.
• 1 лютага 1963 — Указам Прэзыдыюму Вярхоўнага Савету РСФСР Пустошкінскі раён быў скасаваны. Вялікая частка тэрыторыі адыйшла да Себескага раёну, Гультаеўскі і Шалахаўскі сельсаветы перададзеныя ў Невельскі раён; Монінскі і Бардаўскі сельсаветы — у Новасакольніцкі і Бяжаніцкі раёны. Места Пустошка перададзенае ў склад Невельскага прамысловага раёну.
• 12 студзеня 1965 — Указам Прэзыдыюму Вярхоўнага Савету РСФСР Пустошкінскі раён ізноў адноўлены.

Дэмаграфія

Колькасьць сталага насельніцтва Пустошкінскага раёну на 1 сьнежня 2004 году была 11 666 чалавек (у месьце Пустошка — 5678 чалавек). Усяго налічваецца 243 населеныя пункты.

Транспарт

Праз раён праходзяць аўтадарогі «Балтыя» Масква — Рыга і Санкт-Пецярбург — мяжа Беларусі, а таксама дзялянка чыгуначнай магістралі Масква — Рыга.

Славутасьці

• Колішні базылянскі манастыр у в. Вярбілава

Вонкавыя спасылкі

• Пустошкінскі раён , Radzima.org