Палятухі
Палятухі, палятухавыя (Pteromyini) — падсямейства сысуноў атрада грызуноў.
| Палятухі | |
 Палятуха паўночная (Glaucomys sabrinus) | |
| Клясыфікацыя | |
|---|---|
| Царства | Жывёлы |
| Тып | Хордавыя |
| Падтып | Хрыбетныя |
| Кляса | Сысуны |
| Інфракляса | Пляцэнтарныя |
| Атрад | Грызуны |
| Сямейства | Вавёркавыя |
| Бінамінальная намэнклятура | |
| Pteromyini | |
Вядомы зь міяцэну (каля 20 млн. г. назад).
13 родаў, 36 відаў. Пашыраны ў Эўропе, Азіі і Паўночнай Амэрыцы. На Беларусі 1 від — палятуха звычайная.
Даўжыня да 60 см, хваста да 63 см, маса да 1,4 кг (у палятухі звычайнай адпаведна да 21 см, 14 см і 170 г). Поўсьць густая, тонкая, шаравата-бураватая, хвост пушысты. Вочы вялікія. Здольныя да планіраваньня (адсюль назва) з дрэва на дрэва (на адлегласьць да 60 м) з дапамогай пакрытых шэрсьцю скурных складак па баках цела паміж пярэднімі і заднімі канечнасьцямі. Могуць мяняць напрамак палету з дапамогай хваста.
Жывуць на дрэвах, гнёзды ў дуплах. Актыўныя на зьмярканьні і ноччу. Кормяцца насеньнем, парасгкамі, пупышкамі, ягадамі, грыбамі, часам вусякамі.
Нараджаюць да 4 дзіцянятаў.
Вонкавыя спасылкі рэдагаваць
Палятухі — сховішча мультымэдыйных матэрыялаў
 |
Гэта — накід артыкула па заалёгіі. Вы можаце дапамагчы Вікіпэдыі, пашырыўшы яго. |