Ондржэй Палат
Ондржэй Палат (па-чэску: Ondřej Palát; нар. 28 сакавіка 1991 году) — чэскі хакеіст, левы нападнік клюбу «Нью-Джэрзі Дэвілз» з Нацыянальнай хакейнай лігі. У 2011 годзе быў задрафтаваны клюбам «Тампа Бэй Лайтнінг» пад агульным 208-м нумарам. Поруч з клюбам двойчы здабываў Кубак Стэнлі.
| Ондржэй Палат | ||
|---|---|---|
| ||
| Рост | 181 см або 183 см[1] | |
| Вага | 79 кг | |
| Пазыцыя | скрайні нападнік, нападнік | |
| Кідок/Ловы | левы[d] | |
| Грамадзянства | ||
| Дата нараджэньня | 28 сакавіка 1991[1] (33 гады) | |
| Месца нараджэньня | ||
| Клюб | Нью-Джэрзі Дэвілз | |
| Выступаў за | ||
| Драфт НХЛ | 208, 2011 Тампа Бэй Лайтнінг | |
| Гульнявая кар’ера | 2011 — цяпер | |
Кар’ера рэдагаваць
Выхаванец хакейнай школы гораду Фрыдэк-Містэк, але хутка выправіўся ў Паўночную Амэрыку. Гуляючы ў юнацкіх лігах быў заўважаны ў НХЛ, і ўжо на драфце 2011 году быў абраны клюбам «Тампа Бэй Лайтнінг». 10 кастрычніка таго ж году чэх склаў трохгадовы кантракт з «маланкамі»[2], але адразу быў накіраваны ў фарм-клюб «Норфалк Эдміралз», дзеля здабыцьця адпаведнага досьведу. З новым клюбам адразу здабыў Кубак Колдэра. Сэзон 2012—2013 гадоў правёў у складзе клюбу «Сырак’юз Кранч» з той жа лігі. 16 сакавіка 2013 году дэбютаваў у НХЛ у матчы супраць «Караліны Гарыкейнз»[3], аднак пазьней зноў вярнуўся ў АХЛ.
У наступным сэзоне ўжо стала замацаваўся ў складзе «Тампа Бэй Лайтнінг». У канцы сэзону быў намінаваны на мэмарыяльны трафэй Колдэра, які ўручаецца пачаткоўцу году ў НХЛ, поруч з таварышам па камандзе Тайлерам Джонсанам[4]. 9 чэрвеня 2014 году гулец узгодніўся з «Лайтнінг» паводле новага кантракту, які быў разьлічаны на тры гады. 14 ліпеня 2017 году працягнуў супрацу з флорыдзкім клюбам, склаўшы новы пяцігадовы кантракт зь сярэднегадавым заробкам у 5,3 мільёнаў даляраў[5]. 23 лістапада 2019 году Палат закінуў сваю 100-ю шайбу за «Лайтнінг» у пераможным матчы супраць «Анагайм Дакс» (6:2)[6]. Пасьля свайго 10-га сэзону ў НХЛ з «Лайтнінг» Палат пакінуў клюб, стаўшы вольным агентам праз абмежаваньні ў заробках. 14 ліпеня 2022 году чэх склаў пяцігадовую працоўную ўгоду на 30 мільёнаў даляраў зь «Нью-Джэрзі Дэвілз»[7].
Крыніцы рэдагаваць
- ^ а б в г д е https://www.iihf.com/en/events/2024/wm/teams/roster/45148/czechia — Міжнародная фэдэрацыя хакею на лёдзе.
- ^ «Lightning sign Palat». NHL.
- ^ «Carolina Hurricanes at Tampa Bay Lightning». NHL.
- ^ «2014 NHL Awards: MacKinnon, Palat, Johnson are Calder Trophy finalists». SI.
- ^ «Lightning re-sign forward Ondrej Palat to five-year contract». NHL.
- ^ «Vasilevskiy gets 132nd win, Lightning beat Ducks 6-2». USA Today.
- ^ «Palat signs five-year contract with Devils». NHL.