Касьцёл Унебаўзяцьця Найсьвяцейшай Панны Марыі (Мазыр)

Помнік сакральнай архітэктуры
Касьцёл Унебаўзяцьця Найсьвяцейшай Панны Марыі
Фарны касьцёл
Краіна	Беларусь
Места	Мазыр

Касьцёл Унебаўзя́цьця Найсьвяце́йшай Па́нны Мары́і (Фарны) — помнік архітэктуры XVII ст. у Мазыры. Знаходзіўся на вяршыні Замкавай гары, на Замкавай вуліцы. Твор традыцыйнай беларускай драўлянай архітэктуры з рысамі барока і клясыцызму. Існаваў да 1930-х гадоў.

Гісторыя

Вялікае Княства Літоўскае

У 1616 годзе староста Б. Славінскі заснаваў у Мазыры парафіяльны (фарны) касьцёл. У 1723—1773 гадох пры касьцёле дзейнічала місія езуітаў, якая з 1726 году трымала школу (з 1773 году — сьвецкая вучэльня).

Адбудоўваўся па пажары ў 1757 годзе.

Пад уладай Расейскай імпэрыі

Па другім падзеле Рэчы Паспалітай (1793 год), калі Мазыр апынуўся ў складзе Расейскай імпэрыі, касьцёл працягваў дзейнічаць.

Найноўшы час

Існаваў у 1927 годзе.

Архітэктура

Помнік традыцыйнай беларускай драўлянай архітэктуры з рысамі барока і клясыцызму. Гэта быў крыжовы ў пляне драўляны будынак завяршаў магутны 8-гранны сьветлавы барабан, накрыты сфэрычным купалам. Асобна стаяла 3-ярусная званіца (таксама драўляная).

Галерэя

• Старыя здымкі
• 
  1914 г.
• 
  да 1918 г.
• 
  да 1918 г.
• 
  да 1918 г.

• 
  да 1918 г.
• 
  1918 г.
• 
  да 1930 г.
• 
  1927 г.

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

• Касьцёл Унебаўзяцьця Найсьвяцейшай Панны Марыі (Фарны) у Мазыры, Radzima.org