Канны

	Канны
	франц. Cannes
Герб Каннаў
Першыя згадкі:	42 да н. э.
Краіна:	Францыя
Рэгіён:	Праванс-Альпы-Лазурны бераг
Дэпартамэнт:	Прыморскія Альпы
Кіраўнік:	Давід Ліснар[d]
Плошча:	19,62 км²
Насельніцтва (2013)
колькасьць:	73 325 чал.
шчыльнасьць:	3737,26 чал./км²
Часавы пас:	UTC+1
летні час:	UTC+2
Паштовы індэкс:	06400, 06150
Геаграфічныя каардынаты:	43°33′9″ пн. ш. 7°1′17″ у. д. / 43.5525° пн. ш. 7.02139° у. д.Каардынаты: 43°33′9″ пн. ш. 7°1′17″ у. д. / 43.5525° пн. ш. 7.02139° у. д.
	Канны на мапе Францыі Канны
	Галерэя здымкаў у Вікісховішчы
	http://www.cannes.fr/

Ка́нны (па-француску: Cannes, па-аксытанску: Canas) — горад на паўднёвым усходзе Францыі, у рэгіёне Праванс-Альпы-Лазурны бераг, які быў заснаваны лігурамі на ўзьбярэжжы Напуль. Насельніцтва на 2013 год — 73 325 чалавек. Зьяляецца адным з найбольш папулярных і вядомых курортаў Лазурнага берагу. Вядомы як месца правядзеньня штогадовага кінафэстывалю.

Гісторыя рэдагаваць

Горад заснавалі рымляне ў 42 годзе да н. э. Шмат стагодзьдзяў ён заставаўся невялікай рыбацкай вёскай у складзе Правансу. Усё зьмянілася ў 1834 годзе, калі ў Каннах спыніўся былы ангельскі канцлер лорд Гэнры Пітэр Брум, які накіроўваўся ў Італію, і быў вымушаны перапыніць свой шлях з-за эпідэміі халеры. Лорд Брум быў вельмі зачараваны прыгажосьцю рыбацкага мястэчка, ягоным небам, мяккім кліматам, што вырашыў пабудаваць у Каннах дом. Шматлікія ангельскія арыстакраты рушылі ўсьлед ягонаму прыкладу.

Неўзабаве Канны адкрылі для сябе і расейскія арыстакраты. У 1879 годзе ў горад прыбыла імпэратрыца Марыя Аляксандраўна, жонка Аляксандра II у суправаджэньні сыноў Сяргея й Паўла. У 1888 годзе Гі дэ Мапасан пісаў пра Канны: «Прынцы, прынцы, паўсюль прынцы».