Зямлярыйка звычайная

Зямлярыйка звычайная (Sorex araneus) — жывёла клясы сысуноў атрада мошкаедных сямейства зямлярыйкавых.

Зямлярыйка звычайная
Клясыфікацыя
Царства	Жывёлы (Animalia)
Тып	Хордавыя (Chordata)
Кляса	Сысуны (Mammalia)
Інфракляса	Пляцэнтарныя (Placentalia)
Надатрад	Ляўразыятэрыі (Laurasiatheria)
Атрад	Мошкаедныя (Eulipotyphla)
Сямейства	Зямлярыйкавыя (Soricidae)
Род	Зямлярыйка (Sorex)
Від	Зямлярыйка звычайная
Бінамінальная намэнклятура
Sorex araneus Linnaeus, 1758
Арэал
Зямлярыйка звычайная на Віківідах  Зямлярыйка звычайная ў Вікісховішчы ITIS 633779 ·

Распаўсюджваньне

Сустракаецца ў Эўропі (Албанія, Андора, Аўстрыя, Баўгарыя, Беларусь, Бэльгія, Босьнія і Герцагавіна, Вугоршчына, Вялікабрытанія, Германія, Грэцыя, Данія, Іспанія, Латвія, Літва, Ліхтэнштэйн, Люксэмбург, Малдова, Нарвэгія, Нідэрлянды, Паўночная Македонія, Польшча, Расія, Румынія, Сэрбія, Славакія, Славенія, эўрапейская Турцыя, Украіна, Фінляндыя, Францыя, Харватыя, Чарнагорыя, Чэхія, Швайцарыя, Эстонія), Сібіру, паўночным Казахстані, паўночнай Манголіі ад узроўню мора да 2500 м. Аддае перавагу прахалодным, вільготным і цяністым месцам з густой расьліннасьцю.

Постаць

Яго даўжыня складае 65–85 мм, даўжыня хваста 35–47 мм, маса 5–14 г. Верх ад чорнага да чырванавата-карычневага, бакі сьветла-карычневыя, ніз шэры. У маладых жывёл верхняя частка сьвятлей і пераход да сьветлай афарбоўцы бакоў плыўны. Хвост зьверху карычневы, зьнізу шэры. Вочы маленькія, а вушы схаваныя ў поўсьці. Кончыкі зубоў чырвоныя.

Лад жыцьця

Сілкуецца бесхрыбетнымі, асабліва суставаногімі, дажджавымі чарвякамі і сьлімакамі, але сілкуецца і расьліннасьцю. Асобіны адзінкавыя і агрэсіўныя, шчыльнасьць папуляцыі вагаецца ад 42–69 асобін на гектар. Яны актыўныя днём і ноччу. Sorex araneus можа жыць каля 2 гадоў. Цяжарнасьць доўжыцца 19–21 дзень. Маладняк нараджаецца вагой 0,5–0,6 грама.

Вонкавыя спасылкі

• Hutterer, R.; Kryštufek, B. 2016. Sorex araneus. The IUCN  (анг.)
• Taylor, M. 2002. «Sorex araneus» (On-line), Animal Diversity Web  (анг.)