Дамінік Рудніцкі
Даміні́к Рудні́цкі (па-польску: Dominik Rudnicki; 28 ліпеня 1676, ВКЛ — 10 кастрычніка 1739) — беларускі і польскі пісьменьнік.
| Дамінік Рудніцкі | |
| Асабістыя зьвесткі | |
|---|---|
| Нарадзіўся | 28 ліпеня 1676 ВКЛ |
| Памёр | 10 кастрычніка 1739 |
| Літаратурная дзейнасьць | |
| Род дзейнасьці | паэт, пісьменьнік |
| Жанр | верш |
| Мовы | беларуская, польская |
Жыцьцяпіс рэдагаваць
Паходзіў зь беларускай шляхты. Вучыўся ў Віленскай езуіцкай акадэміі (к. 1694). Настаўнічаў у езуіцкіх калегіюмах Слуцку, Горадні, Мсьціслава, Наваградку. 3 1720 у Варшаве, пракуратар Літоўскай правінцыі езуітаў. 3 1730 у Нясьвіжы.
Творчасьць рэдагаваць
У рукапісных зборніках Рудніцкага (вядомыя з публікацыяў А. Брукнэра і У. Ператца, загінулі падчас Варшаўскага паўстаньня ў 1944) акрамя польскіх, было 9 беларускіх вершаваных твораў, альбо напісаных ім, або народных. У іх выяўляюцца рысы позьняга барока: алегорыя, гратэск, марнасьць і хуткаплыннасьць жыцьця. Адчуваецца арыентацыя на народную песьню. Аўтар інтэрмэдыяў на польскай мове, казаньняў, зборніку «Свабодны голас у вершаванай форме» (выд. 1741).
Рудніцкаму прыпісваецца аўтарства беларускіх вершаваных «Вітаньняў» з нагоды наведваньня Вільні ў 1729 вармінскім біскупам Крыштафам і Пінску ў 1730(?) валынскім біскупам Стафанам.
Ім створана алегарычная сыстэма вобразаў у вершаваным сатырычным цыклі «Зьвярыныя гратэскі» (творы «Ваенны паход грыбоў», «Птушыны баль», «Камара з дуба цяжкі ўпадак» і інш.). У апісаньні злых прыгод птушак, казурак і расьлінаў угадваецца рэальнае жыцьцё дробнай шляхты.
Крыніцы рэдагаваць
Літаратура рэдагаваць
| Вікікрыніцы зьмяшчаюць арыгінальныя матэрыялы, датычныя тэмы артыкула: |
- Мальдзіс А. На скрыжаванні славянскіх традыцый. Мн., 1980. С. 72-78, 116—126.
- Eustachiewicz M. Twórczość Dominika Rudnickiego. Wrocław, 1966.