Герб Мар’інай Горкі
Герб Мар’інай Горкі — геральдычны знак горада Мар’інай Горкі, Пухавіцкага раёну Менскай вобласьці Беларусь.
| Герб Мар’інай Горкі | |
 | |
| Апісаньне | |
|---|---|
| Зацьверджаны | 22 ліпеня 2000 (23 гады таму) |
| Носьбіт | Мар’іна Горка |
Апісаньне рэдагаваць
Герб Мар’інай Горкі зарэгістраваны ў Гербавым матрыкуле Рэспублікі Беларусь 22 ліпеня 2000 г. № 42. Аўтар герба: Андрэй Шпунт. Мастак: І. А. Шпунт.
На шчыце ў блакітным полі «гішпанскага» шчыта на срэбраным воблаку ў залатой мандорле Багародзіца ў чырвона-блакітных адзеньні з белым покрывам.
Гісторыя рэдагаваць
Герб раёну супадае з гербам гораду Мар’іна Горка. Паходжаньне назвы гораду Мар’іна Горка сыходзіць у дахрысьціянскія часы. Па легендзе, на ўзвышшы, якое калісьці знаходзілася на месцы сучаснага горада, стаяла паганская бажніца. Тут ушаноўвалі нарачонай Сонца, багіні-маці, заступніцы дзіцянараджэньня Мары.
Праз шмат гадоў, у 1874, у Мар’інай Горцы — вёсцы Ігуменскага павету Менскай губэрні — была пабудавана царква Раства Найсьвяцейшай Багародзіцы. Храм быў вядомы даўнейшым абразом «Матка Боская», асабліва ўшанаванай мясцовымі жыхарамі. Сьвята праваслаўнай царквы Покрыва Найсьвяцейшай Багародзіцы адзначаецца 1 кастрычніка.
Глядзіце таксама рэдагаваць
Вонкавыя спасылкі рэдагаваць
- Герб города Марьина Горка // «Геральдика Беларуси» (рас.)
- гербы // puchavickirajon.info