Георг Гайм

Гео́рг Гайм (па-нямецку: Georg Heym; 30 кастрычніка 1887, Гіршбэрг, Ніжняя Сылезія — 16 студзеня 1912, Бэрлін) — нямецкі пісьменьнік, паэт і драматург. Разам з Эрнстам Штадлерам і Георгам Траклем зьяўляецца ключавой постацьцю раньняга экспрэсіянізму.

Георг Гайм
Georg Heym
Асабістыя зьвесткі
Нарадзіўся	30 кастрычніка 1887 Гіршбэрг, Ніжняя Сылезія
Памёр	16 студзеня 1912 Бэрлін
Пахаваны	Люізэнфрыдгаф III[d]
Літаратурная дзейнасьць
Род дзейнасьці	пісьменьнік, паэт, драматург
Гады творчасьці	1898—1912
Жанр	раньні экспрэсіянізм
Мова	нямецкая
Подпіс
Георг Гайм у Вікісховішчы

Біяграфія

Нарадзіўся ў сям’і юрыста Германа Гайма. Вывучаў права ў Вюрцбургу і Бэрлінскім унівэрсытэце імя Гумбальта. Некаторы час хацеў стаць вайскоўцам і спрабаваў уступіць у Эльзаскі пяхотны полк, але дазвол прыйшоў толькі пасьля сьмерці паэта. Разам з паэтам Эрнстам Бальке патануў на рацэ Гафэль, катаючыся на каньках.

Творчасьць

Пачаў пісаць з 12 гадоў (навэлы, драмы). Пры жыцьці паэта быў выдадзены толькі адзін яго паэтычны зборнік пад назваю «Вечны дзень» (1911). Два наступныя паэтычныя зборнікі — «Umbra Vitae» (падрыхтаваны Гаймам) і «Нябесная трагедыя» — былі выдадзеныя пасьмяротна, як і зборнік навэлаў «Злодзей». У 1933 годзе кнігі Гайма як прыналежныя да «дэгенэратыўнага мастацтва» — экспрэсіянізму — гарэлі на вогнішчы разам з многімі іншымі. Поўны збор твораў Гайма быў выдадзены ў 1960-х гадах.

Беларускія пераклады

• Выбраныя вершы: пераклад з нямецкай / Геарг Гайм. — Мінск : Зміцер Колас, 2020. — 97, [1] с. — («Паэты планеты»).

Вонкавыя спасылкі

• Георг Гайм на ПрайдзіСвеце
• Творы Георга Гайма на сайце «Bibliotheca Augustana»  (ням.)