Віталь Лютыч

Віта́ль Лю́тыч (нарадзіўся 9 траўня 1992 году, Бяроза) — беларускі баскетбаліст. Выступае за нацыянальную зборную Беларусі і беларускі клюб «Цмокі-Менск». Найлепшы баскетбаліст Беларусі 2018 году.

Віталь Лютыч
«Цмокі-Менск»
абаронца
Рост:	198 см
Вага:	90 кг
Грамадзянства:	Беларусь
Дата нараджэньня:	9 траўня 1992 (32 гады) Бяроза,
Клюбная кар’ера
2009—2010 — Віталюр-РДВАР (Беларусь) 2010—2011 — АБРО-Унівэрсытэт Шаўлі (Летува) 2010—2013 — Шаўлі (Летува) 2013—2016 — Цмокі-Менск (Беларусь) 2016—2017 — Калеў (Эстонія) 2017—2018 — Енісей (Расея) з 2018 — Цмокі-Менск (Беларусь)

Кар’ера

Пераможца рэгулярнага сэзону Балтыйскай лігі (2012), паўфіналіст Балтыйскай лігі (2012), паўфіналіст кубку Балтыйскай лігі (2012), паўфіналіст Кубка Летувы (2013). Выступаў за беларускія зборныя ўсіх узростаў (U-16, U-18, U-20). Быў уключаны ў другую сымбалічную зборную чэмпіянату Эўропы ў дывізіёне Б U-20 (2011, 2012) па вэрсіі eurobasket.com. За галоўную зборную Беларусі выступае з 2012 году.

У сэзоне 2009—2010 гуляў за беларускі Віталюр-РДВАР. У сэзоне 2010—2011 за летувіскі АБРО-Унівэрсітэт Шаўлі. З 2010 па 2013 гады таксама граў за «Шаўлі» (Летува).

У 2013 годзе заключыў кантракт зь беларускім клюбам «Цмокі-Менск». У 2016-м форвард зьмяніў клюбную прапіску і перайшоў у эстонскі «Калеў», дзе стаў адным зь лідэраў каманды. У матчах Адзінай Лігі ВТБ гулец адзначаўся 14,7 пунктамі і 3,8 падборамі ў сярэднім за 26,29 хвіліны на пляцоўцы.

Сэзон 2017/2018 правёў у краснаярскім «Енісеі». У 19 сустрэчах Лігі ВТБ набіраў у сярэднім 9,3 пункту і зьдзяйсьняў 2,5 падбору за 21,4 хвіліны на пляцоўцы.

Вонкавыя спасылкі

• Віталь Лютыч у Facebook
• Виталий Лютыч: Мой первый тренер — обычный физрук, Сайт «Спортивный Брест», 9-9-2013