Валеры Ачайкін

Валеры Фёдаравіч Ачайкін (нарадзіўся 20 верасьня 1938 году, в. Анаткасы, Урмарскі раён, Чуваская АССР — беларускі архітэктар чуваскага паходжаньня, мастак і пэдагог.

Валеры Ачайкін
Род дзейнасьці	беларускі архітэктар, мастак і пэдагог
Дата нараджэньня	20 верасьня 1938 (85 гадоў)
Месца нараджэньня	Анаткасы, Урмарскі раён, Чуваская АССР, Расея
Дата сьмерці	1 кастрычніка 2017(2017-10-01) (79 гадоў)
Месца сьмерці	Менск, Беларусь
Месца вучобы	Чэбаксарская мастацкая вучэльня[d] Санкт-Пецярбурская мастацка-прамысловая акадэмія[d]
Занятак	маляр, архітэктар
Месца працы	Белдзяржпраект[d] Беларуская дзяржаўная акадэмія мастацтваў Інстытут сучасных ведаў імя Шырокава[d]
Узнагароды	Грамата Прэзыдыюму Вярхоўнага Савету БССР[d]

Біяграфія

Нарадзіўся 20 верасьня 1938 году ў вёсцы Анаткасы Ўрмарскага раёну Чуваскай АССР у сям’і селяніна. З 1956 году па 1961 год вучыўся ў Чэбаксарскай мастацкай вучэльні, з 1961 па 1967 год у Ленінградзкай вышэйшай мастацка-прамысловай вучэльні ім. В. І. Мухінай. З 1967 году жыве ў Менску.

З 1967 да 1970 году працаваў на заводзе вылічальнай тэхнікі імя Арджанікідзэ, а з 1970 па 2002 у праектным інстытуце Белдзяржпраект, дзе з 1995 году ўзначальваў аддзел інтэр’ераў і малых архітэктурных формаў. З 1991 дацэнт Беларускай дзяржаўнай акадэміі мастацтваў. З 2005 зьяўляецца дацэнтам Інстытуту сучасных ведаў імя А. М. Шырокава і дарадцаю Беларускай акадэміі архітэктуры. Чалец Саюза архітэктараў Беларусі з 1975 году. Чалец Беларускага саюза дызайнэраў

Творчасьць

Архітэктура

Браў ўдзел у вялікай колькасьці архітэктурных праектаў інстытуту Белдзяржпраект як распрацоўшчык інтэр’ераў будынкаў і малых архітэктурных формаў. Некаторыя зь іх:

• інтэр’еры і панно на фасадзе галоўнага будынка Рэспубліканскай бальніцы ў Бараўлянах (разам з Вольгай Ладыгінай і Паўлам Беляевым);
• інтэр’ер унівэрмага «Звязда» ў Менску (разам з Вольгай Ладыгінай);
• інтэр’ер кінатэатру «Кастрычнік» у Менску
• інтэр’ер станцыі Менскага метрапалітэну «Інстытут культуры»

Цягам 5 гадоў зьяўляўся чальцом творчай групы па распрацоўцы інтэр’ераў Палаца Рэспублікі.

Выяўленчае мастацтва

Валеры Ачайкін вядомы як мастак, які працуе ў жанрах пэйзажу, нацюрморту, партрэту. Браў ўдзел у шматлікіх выставах. Яго працы знаходзяцца ў Музэі Вялікай Айчыннай вайны у Менску, у мастацкім музэі г. Табольску ды ў шматлікіх прыватных сборах у Беларусі, Расеі, Нямеччыне, Злучаных Штатах, Францыі і Летуве.

Пэдагагічная дзейнасьць

З 1971 па 1981 год узначальваў мастацкую студыю пры Саюзе архітэктараў Беларусі. Дацэнт Беларускай дзяржаўнай акадэміі мастацтваў і дацэнт Інстытуту сучасных ведаў імя А. М. Шырокава.

Узнагароды

Праекты інтэр’ераў неаднаразова адзначаліся Ганаровымі граматамі Саюзу архітэктараў Беларусі. За праект інтэр’еру станцыі Менскага метрапалітэну «Інстытут культуры» ўзнагароджаны Ганаровай граматай Вярхоўнага Савету БССР.

Друкаваныя працы

• Падручнік «Проектирование интерьеров индивидуального жилого дома : учебное пособие для вузов» / Л. Е. Дягилев, В. Ф. Очайкин. — Минск : Современные знания, 2008. — 107 с — ISBN 978-985-6885-10-8.

Вонкавыя спасылкі

• Міністэрства культуры Чувашыі
• [https://web.archive.org/web/20160304230011/http://www.journal.vak.org.by/index.php?go=Pages&in=view&id=1661 Прысваеньне навуковых годнасьцяў за кастрычнік-сьнежань 2012 г. // Найвышэйшая атэстацыйная камісія Беларусі