Бучамля 3
вёска ў Камянецкім раёне Берасьцейскай вобласьці Беларусі
Бу́чамля 3[2] (па-расейску: Бучемль 3) — вёска ў Камянецкім раёне Берасьцейскай вобласьці, на правым беразе ракі Плесы, за 15 км на захад ад Камянцу, за 50 км на поўнач ад Берасьця, за 24 км на ўсход ад чыгуначнай станцыі Высока-Літоўск на лініі Берасьце — Беласток. Уваходзіць у Войскі сельсавет.
| Бучамля 3 | |
| трансьліт. Bučamlia 3 | |
| Першыя згадкі: | XVI стагодзьдзе |
| Краіна: | Беларусь |
| Вобласьць: | Берасьцейская |
| Раён: | Камянецкі |
| Сельсавет: | Войскі |
| Насельніцтва: | 116 чал. (2010) |
| Часавы пас: | UTC+3 |
| Тэлефонны код: | +375 1631 |
| Паштовы індэкс: | 225059[1] |
| Нумарны знак: | 1 |
| Геаграфічныя каардынаты: | 52°22′5″ пн. ш. 23°38′43″ у. д. / 52.36806° пн. ш. 23.64528° у. д.Каардынаты: 52°22′5″ пн. ш. 23°38′43″ у. д. / 52.36806° пн. ш. 23.64528° у. д. |
Бучамля 3 на мапе Беларусі ±   Бучамля 3 | |
Гісторыя рэдагаваць
- ?: маёнтак Бучамля ўпершыню ўзгадваецца ў апісаньнях пушчаў ВКЛ.
- 1567: з маёнтку Бучамля Р. Каліховіч і княгіня Масальская выстаўлялі ў войска коней.
- сярэдзіна XIX стагодзьдзя: у складзе Ратайчыцкай воласьці Берасьцейскага павету Гарадзенскай губэрні Расейскай імпэрыі.
- 1833: паводле 8-й рэвізіі маёнтак памешчыка Івана Быльчынскага (яму ж маёнтак належаў і ў 1845 годзе), у яго склад уваходзіў аднайменны фальварак, хутар Салаўца, вёска Лускалы, налічвалася 13 цяглавых гаспадарак, 80 рэвіскіх душ, 215 дзесяцінаў памешчыцкай і 238 дзесяцінаў сялянскай зямлі, дзейнічалі карчма, ветраны млын, вінакурня. Побач знаходзіліся фальварак і вёска Бучамля маёнтку Трасьцяніца ва ўладаньні Патоцкіх.
- 1857: паводле 10-й рэвізіі вёска, казённае ўладаньне, 197 рэвіскіх душ.
- 1897: паводле перапісу вёска Бучамля-Казённая, 39 двароў, 287 жыхароў, хлебазапасная крама, млын.
- 1921: вёска Бучамля 3 у складзе Ратайчыцкай гміны Берасьцейскага павету Палескага ваяводзтва міжваеннай Польшчы.
- 1923: 8 двароў, 94 жыхары.
- 1939: у складзе Берасьцейскай вобласьці БССР.
- 1940: вёска Бучамля ў Ратайчыцкім сельсавеце Камянецкага раёну Берасьцейскай вобласьці, 52 двары, 275 жыхароў.
- 1945: дзейнічаў дзіцячы дом, працавала пачатковая школа.
- 1948: у пачатковай школе 106 вучняў.
- 1950: вяскоўцы арганізавалі калгас імя Суворава.
- 1959: паводле перапісу вёска Бучамля 3, 364 жыхары, у дзіцячым доме 46 выхаванцаў.
- 1970: 286 жыхароў.
- 1986: у Войскім сельсавеце.
Насельніцтва рэдагаваць
- 2010 год — 116 жыхароў
- 2005 год — 114 жыхароў, 68 двароў[3]
- 1999 год — 146 жыхароў
Інфраструктура рэдагаваць
У складзе калектыўнага сялянскага аб’яднаньня «Колас».
Крыніцы рэдагаваць
- ^ Белпошта (рас.)
- ^ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Менск: Тэхналогія, 2010. — 319 с. ISBN 978-985-458-198-9. (pdf, djvu, online) С. 164
- ^ Гарады і вёскі Беларусі. Энцыкл. Т. 4. Кн. 2. — Менск, 2007. С. 21—22
Літаратура рэдагаваць
- Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 21—22.