Беларусь 5
«Беларусь 5» — расейскамоўны спартовы тэлеканал Белтэлерадыёкампаніі, заснаваны ў 2013 годзе. Вядзе паказ беларускіх, замежных і міжнародных першынстваў у 9 відах гульняў і спорту: баскетбол, біятлён, бокс, гандбол, лёгкая атлетыка, мастацкая гімнастыка, тэніс, футбол і хакей[1]. Сярод футбольных трансьляцый — Прэм’ер-Ліга Ангельшчыны[2]. У 2019 годзе таксама быў паказаны Чэмпіянат Эўропы па фігурным катаньні[3]. Падчас буйных спартовых мерапрыемстваў (Алімпійскіх[4] і Эўрапейскіх гульняў) канал працуе 24 гадзіны штодня. Першапачаткова трансьляцыя вялася толькі ў Менску[5]. Потым канал стаў адным з агульнанацыянальных[6]. 1 сьнежня 2013 году канал быў дададзены да аналягавага пакета вяшчаньня МТІС[7]. Спартовыя камэнтатары: Аляксей Пынцікаў (баскетбол), Яўген Табула, Аляксандар Цьвячкоўскі (футбол, хакей, гандбол, валейбол), Уладзіслаў Татур, Улада Сарокіна (мастацкая і спартовая гімнастыкі, водныя віды спорту), Уладзімер Навіцкі (футбол, хакей, біятлён); Сяргей Мацкевіч (футбол, валейбол, тэніс, лёгкая атлетыка), Ганна Любенкова, Дарына Запольская, Дзьмітры Герчыкаў (баскетбол) ды Павал Баранаў (футбол, бокс)[8][5]. У 2017 годзе прэзыдэнт Беларусі выступіў з крытыкай якасьці канала[9]. 1 кастрычніка 2018 году распачалася трансьляцыя асобнага канала «Беларусь 5. Інтэрнэт»[10].
| «Беларусь 5» | |
 | |
| Краіна | Беларусь |
|---|---|
| Зона вяшчаньня | Беларусь |
| Створаны | 21 кастрычніка 2013 (10 гадоў таму) |
| Заснавальнік | Белтэлерадыёкампанія |
| Уладальнік | Белтэлерадыёкампанія |
| Кіраўніцтва | Павал Булацкі |
| Афіцыйны сайт | www.belarus5.by |
Перадачы рэдагаваць
- Авэртайм (аўтар Леанід Лекарэвіч);
- Фактар сілы (аўтар і вядоўца Павал Баранаў);
- Час футболу (аўтар і вядоўца Мікалай Хадасевіч).
Крыніцы рэдагаваць
- ^ Беларусь 5 // Белтэлерадыёкампанія Праверана 30 сакавіка 2014 г.
- ^ Англійская футбольная прэм’ер-ліга вяртаецца на "Беларусь 5". БелТА (10 жніўня 2017).
- ^ Чэмпіянат Еўропы па фігурным катанні ў поўным аб'ёме пакажа тэлеканал "Беларусь 5". Белтэлерадыёкампанія (22 студзеня 2019).
- ^ На час алімпіяды канал "Беларусь 5" стаў кругласутачным. Белтэлерадыёкампанія (6 жніўня 2016).
- ^ а б «Беларусь-5»: Тэлеканал ёсць, але ніхто яго не бачыць
- ^ СМІ ў Беларусі. Belarus.by. Праверана 2 жніўня 2019 г.
- ^ Тэлеканал "Беларусь-5" пачне вяшчанне ў аналагавым пакеце МТІС з 1 снежня. Эўрарадыё (22 лістапада 2013).
- ^ Беларусь 5 > Спартыўныя каментатары. Белтэлерадыёкампанія. Праверана 2 жніўня 2019 г.
- ^ Лукашэнка раскрытыкаваў спартыўны тэлеканал "Беларусь 5". БелТА (30 мая 2017).
- ^ Спартыўны канал "Беларусь 5. Інтэрнэт" пачаў працу. Белтэлерадыёкампанія (1 кастрычніка 2018).
Вонкавыя спасылкі рэдагаваць
- Беларусь 5 // Белтэлекам Праверана 30 сакавіка 2014 г.
 |
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |