Ар’ен Робэн
Ар’ен Робэн (па-нідэрляндзку: Arjen Robben; нарадзіўся 23 студзеня 1984 году, Бэдум, Нідэрлянды) — колішні нідэрляндзкі футбаліст, які выступаў за нацыянальную зборную Нідэрляндаў на пазыцыі нападніка ці ўінгера зь левай нагой. Зьяўляецца чэмпіянам чатырох краінаў: Нідэрляндаў, Ангельшчыны, Гішпаніі й Нямеччыны.
| Ар’ен Робэн | ||
 | ||
| Пэрсанальная інфармацыя | ||
|---|---|---|
| Нарадзіўся | 23 студзеня 1984 (40 гадоў) Бэдум, Нідэрлянды | |
| Рост | 181 см | |
| Вага | 80 кг[1] | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2000—2002 2002—2004 2004—2007 2007—2009 2009—2019 |
Гронінген ПСВ Чэлсі Рэал Мадрыд Баварыя |
46 (8) 56 (17) 67 (15) 50 (11) 201 (99) |
| Зборныя | ||
| 2003—2017 | Нідэрлянды | 96 (37) |
Клюбная кар’ера рэдагаваць
Раньнія гады рэдагаваць
Робэн нарадзіўся й вырас у невялікім мястэчку Бэдум, разьмешчанай побач з горадам Гронінген, дзе й пачаў гуляць у футбол у мясцовым клюбе.
«Гронінген» рэдагаваць
Гульня Робэна й ягоныя футбольныя здольнасьці прыцягнулі ўвагу да яго скаўтаў клюбу «Гронінген». У лістападзе 2000 году Робэн упершыню апынуўся ў заяўцы першай каманды клюбу, аднак на поле гэтак і не выйшаў. 3 сьнежня 2000 году ў матчы супраць «Ваальвэйку» упершыню выйшаў на зьмену на 79-й хвіліне. У хуткім часе футбаліст заняў месца ў асноўным складзе каманды. Улетку 2002 году быў набыты клюбам «ПСВ Эйндговэн» за 3,9 млн эўра.
ПСВ рэдагаваць
У першым сэзоне за ПСВ Робэн правёў 33 матчы і забіў 12 галоў[2]. Па заканчэньні сэзону яго назвалі гульцом году ў ПСВ разам зь іншым нападнікам Матэяй Кежманам, зь якім Робэн стварыў тандэм у нападзе каманды, названы заўзятарамі ПСВ «Бэтмэн і Робэн». У сакавіку 2004 года пераехаў у ангельскі клюб «Чэлсі»[3].
«Чэлсі» рэдагаваць
Робэн быў вымушаны прапусьціць пачатак свайго першага сэзону ў Ангельшчыне з-за траўмы, атрыманай у таварыскай гульні зь італьянскім клюбам «Рома», дзе Ар’ен ў сутыкненьні з Аліўе Дакурам атрымаў пералом плюсьневай косткі. У выніку ён змог дэбютаваць у складзе «арыстакратаў» толькі ў лістападзе 2004 года, у гульні чэмпіянату Ангельшчыны супраць «Эвэртана», дзе быў прызнаны гульцом матчу. Свае першыя матчы Робэн правёў добра, за што атрымаў тытул гульца месяца ў АПЛ[4].
«Рэал Мадрыд» рэдагаваць
22 жніўня 2007 году Робэн стаў гульцом «Рэалу», падпісаўшы кантракт на 5 гадоў. За пераход ўінгера «Рэал» выплаціў «Чэлсі» суму ў 36 млн эўра. Гэтая купля стала 5-й па суме трансфэрам у гісторыі «Рэалу», пасьля Зынэдына Зыдана, Луіша Фігу, Дэйвіда Бэкгэма й Раналда[5].
«Баварыя» Мюнхэн рэдагаваць
Улетку 2009 году Робэн быў выстаўлены на трансфэр. Прычынай гэтага стала купля «Рэалам» двух футбалістаў, Крыштыяну Раналду й Кака[6]. Неўзабаве Робэн быў набыты нямецкім клюбам «Баварыя» (Мюнхэн), які заплаціў за трансфэр галяндца 25 млн эўра[7]. У складзе Баварыі адзначыўся ў фінале Лігі чэмпіёнаў УЭФА 2013 году, забіўшы пераможны гол у фінале[8]. У 2014 годзе трапіў у сьпіс футбалістаў, якія маглі атрымаць узнагароду ФІФА "Залаты мяч"[9]. У лютым 2019 году цікавасьць да набыцьця Робэна вяўляў ФК Токіё[10]. У складзе Баварыі стаў васьміразовым чэмпіёнам Нямеччыны. 4 ліпеня 2019 года аб'явіў пра сканчэньне кар'еры. За 19 гадоў ён правёў 602 гульні, забіў 210 галоў, атрымаў 28 узнагарод.
Кар’ера ў зборнай рэдагаваць
У складзе зборнай Нідэрляндаў Робэн дэбютаваў 30 красавіка 2003 году ў таварыскім матчы супраць зборнай Партугаліі, які скончыўся ўнічыю зь лікам 1:1, у гэтай гульні Робэн замяніў на 77-й хвіліне Марка Овэрмарса, таксама ў гэтай гульні дэбютаваў іншы малады футбаліст, Вэсьлі Снэйдэр[11]. Адзначыўся ў гульні з Коста-Рыкай у чвэрцьфінале Чэмпіянату сьвету 2014 году[12][13]. У зборнай правёў 96 гульняў і заняў шостае месца сярод футбалістаў з найбольшай колькасьцю гульняў за зборную Нідэрляндаў паводле стану на 6 верасьня 2018 года. Забіў 37 галоў за зборную (падзяліў чацьвёртае месца з Дэнісам Бэргкампам паводле стану на 6 верасьня 2018 года).
Дасягненьні рэдагаваць
Клюбныя рэдагаваць
ПСВ:
- Чэмпіён Нідэрляндаў: 2003
- Уладальнік Супэркубка Нідэрляндаў: 2004
«Чэлсі»:
- Чэмпіён Ангельшчыны (2): 2005, 2006
- Уладальнік Супэркубка Ангельшчыны: 2005
- Уладальнік Кубка лігі (2): 2005, 2007
- Уладальнік Кубка Ангельшчыны: 2007
«Рэал»:
- Чэмпіён Гішпаніі: 2008
- Уладальнік Супэркубка Гішпаніі: 2008
«Баварыя»:
- Чэмпіён Нямеччыны (8): 2010, 2013, 2014, 2015, 2016, 2017, 2018, 2019
- Уладальнік Кубка Нямеччыны (5): 2010, 2013, 2014, 2016, 2019
- Уладальнік Супэркубка Нямеччыны (5): 2010, 2012, 2016, 2017, 2018
- Пераможца Лігі чэмпіёнаў: 2013
- Уладальнік Супэркубка Эўропы: 2013
- Пераможца клюбнага чэмпіянату сьвету: 2013
Міжнародныя рэдагаваць
Нідэрлянды:
- Срэбраны прызэр чэмпіянату сьвету: 2010
Асабістае жыцьцё рэдагаваць
Робэн мае траіх дзяцей: сыноў Люка 2008 году нараджэньня і Кая (2012 год нараджэньня) і дачку Лін 2010 году нараджаньня.
Крыніцы рэдагаваць
- ^ Arjen Robben. FC Bayern Munich. Архіўная копія ад 23 сакавіка 2019 г.
- ^ Honderdste competitieduel voor Arjen Robben (нід.) PSV.nl
- ^ Arjen Robben kiest voor het Engelse Chelsea (нід.) PSV.nl
- ^ FA Premier League Seasonal awards 2004/05 Архіўная копія ад 11 сьнежня 2006 г.
- ^ Robben determined to prove his worth. abc.net
- ^ «Могучий голландец». sports.ru
- ^ Bayern Munich seal Robben signing. bbc.co.uk
- ^ “Баварыя” стала пераможцам футбольнай Лігі чэмпіёнаў (відэа). euroradio.fm
- ^ ФІФА апублікавала спіс прэтэндэнтаў на прэмію "Залаты мяч" -2014 zviazda.by
- ^ FC Tokyo expresses interest in acquiring Bayern Munich's Arjen Robben. The Japan Times
- ^ Kluivert marca un tanto histórico a pase de Makaay. hemeroteca
- ^ Хільмановіч У. Аранжавы ровень небяспекі.(недаступная спасылка) БЕЛАРУСКАЕ РАДЫЁ РАЦЫЯ
- ^ Коста-Рика - Нидерланды 0:0, 05.07.2014 - футбольный матч
Вонкавыя спасылкі рэдагаваць
Ар’ен Робэн — сховішча мультымэдыйных матэрыялаў
- Профіль на афіцыйным сайце «Баварыі Мюнхэн»
- Профіль на афіцыйным сайце «Чэлсі»
- Статыстыка на сайце National Football Teams