АПОЭЛ Нікасія
АПОЭЛ (па-грэцку: ΑΠΟΕΛ) — кіпрскі футбольны клюб з гораду Нікасіі. Заснаваны ў 1926 годзе. 28-разовы чэмпіён Кіпру, 21-разовы ўладальнік Кубка Кіпру, 14-разовы ўладальнік Супэркубка Кіпру. АПОЭЛ ёсьць часткай мультыспартовага аб’яднаньня, заснаванага ў 1926 годзе, і ўтрымлівае аддзелы некалькіх відаў спорту, як то футбол, баскетбол, валейбол, футзал, настольны тэніс, боўлінг, роварны спорт, стральба з лука, плаваньне і воднае пола.
| АПОЭЛ | |
 | |
| Поўная назва | Aθλητικός Ποδοσφαιρικός Όμιλος Eλλήνων Λευκωσίας |
|---|---|
| Заснаваны | 8 лістапада 1926 |
| Горад | Нікасія, Кіпр |
| Стадыён |
ГСП Умяшчальнасьць: 22 859 |
| Прэзыдэнт | Продрамас Пэтрыдэс[d][1] |
| Галоўны трэнэр | |
| Чэмпіянат | Першы дывізіён |
| · 2022—2023 | 2 месца |
 Галерэя здымкаў у ВікісховішчыАфіцыйны сайт | |
Найвялікшым дасягненьнем АПОЭЛа ў эўрапейскіх спаборніцтвах ёсьць выступ у Лізе чэмпіёнаў сэзону 2011—2012 гадоў, калі клюб праз кваліфікацыю трапіў у групавы этап, выступаючы ў адной групе з «Порту», данецкім «Шахтарам» і расейскім «Зэнітам». Нечакана, АПОЭЛ узначаліў групу і нават выбіў у 1/8 фіналу францускі «Ліён», але саступіў у 1/4 фіналу гішпанскаму «Рэалу»[2]. Акрамя таго, былі даволі пасьпяховыя сэзоны ў наступным як у Лізе чэмпіёнаў, гэтак і ў Лізе Эўропы. У сэзоне 2016—2017 гадоў дружына ўзначаліла табліцу групы Лігі Эўропы, апярэдзіўшы грэцкі «Алімпіякос», швайцарскі «Янг Бойз» і казаскую «Астану». У 1/8 фіналу кіпрскія футбалісты выгулялі ў гішпанскага «Атлетыка», але выбылі з турніру ў наступным раўндзе, саступіўшы бэльгійскаму «Андэрлехту»[3][4]. АПОЭЛ ёсьць адзіным кіпрскім клюбам, які калі-небудзь дасягаў групавога этапу абодвух буйных спаборніцтваў УЭФА. У сэзоне 2016—2017 сярэдняя наведвальнасьць матчаў дружыны складала 7126 чалавек на хатнім матчах, а найвышэйшая наведвальнасьць у сэзоне скалала 15 462 чалавекі на адным матчы.
Дасягненьні рэдагаваць
- Чэмпіён Кіпру: (28)
- 1936, 1937, 1938, 1939, 1940, 1947, 1948, 1949, 1952, 1965,
- 1973, 1980, 1986, 1990, 1992, 1996, 2002, 2004, 2007, 2009,
- 2011, 2013, 2014, 2015, 2016, 2017, 2018, 2019
- Уладальнікі Кубка Кіпру: (21)
- 1937, 1941, 1947, 1951, 1963, 1968, 1969, 1973, 1976, 1978,
- 1979, 1984, 1993, 1995, 1996, 1997, 1999, 2006, 2008, 2014,
- 2015
- Уладальнікі Супэркубка Кіпру: (14)
- 1963, 1984, 1986, 1992, 1993, 1996, 1997, 2002, 2004, 2008,
- 2009, 2011, 2013, 2019
Склад рэдагаваць
- Актуальны на 11 лютага 2024 году
|
|
