Інтэр’ер

Інтэр’е́р (па-француску: intérieur па-лацінску: interior — унутраны-выгляд, антонім па-француску: extérieur, па-лацінску: exterior — вонкавы-выгляд) — архітэктурна і мастацка аформленая ўнутраная прастора будынку, якая забясьпечвае чалавеку эстэтычнае ўспрыманьне і спрыяльныя ўмовы жыцьцядзейнасьці; унутраная прастора будынку ці асобнага памяшканьня, архітэктурнае разьвязаньне якога вызначаецца яго функцыянальным прызначэньнем.

Інтэр’ер кухні

У аснове дызайну інтэр’еру ляжыць сынтэз прагматычных і мастацкіх ідэй і разьвязаньняў, накіраваных на паляпшэньне ўмоў існаваньня чалавека ў цэласнай эстэтычна дасканалай форме. Інтэр’ер складаецца з трох складнікаў:

• будаўнічая абалонка — падлога, сьцены, столь;
• прадметнае напаўненьне (абсталяваньне, мэбля);
• функцыянальныя працэсы, якія фармуюць і прастору, і пачуцьцёва-псыхалягічную атмасфэру.

Глядзіце таксама

• Антрапалягічны дызайн
• Архітэктура
• Архітэктурная візуалізацыя
• Дызайн інтэр'еру
• Ляндшафтны дызайн

Вонкавыя спасылкі

• Інтэр’ер — сховішча мультымэдыйных матэрыялаў